«Poytaxt exclisive» nashriyoti Toshkent – 2022

Ilm ummonidan qatra
Shayx Muhammad Sodiq Muhammad Yusuf ning 
har bir kitoblari va maruzalari menda u kishiga nisbatan 
muhabbat uyg‘otgan. Hazratning barcha asarlari islom 
tarixidan so‘zlaydi. 
Masalan, «Tafsiri Hilol» kitobi bilan bo‘gliq bir voqea 
yodimdan chiqmaydi. Akam Moskvaga ish yuzasidan 
ketganlarida men ularga hazratning «Tafsiri Hilol» 
asarlarini o‘qishni istayotganimni xat orqali bayon qilgan 
edim. O‘sha kezlarda o‘zim sotib olmoqchi bo‘lgandim, 
biroq mablag‘ masalasida qiynalgan edim. Bir necha oy 
o‘tsa ham javob kelmagandan so‘ng umidimni uzdim. 
Shunda akam do‘stidan kitobning barcha juzlarini menga 
olib berish uchun mablag‘ jo‘natibdilar. Juzlarni uyga olib 
kelganimizda ichimga sig‘may ketdim. «Tafsiri Hilol» 
qo‘limda turgan bo‘lsa-da ko‘zlarimga ishongim kelmas 
edi. Shu kitob sabab hazratimning ijodlariga qiziqishim 
kuchaydi.

---

101
Dilga tashrif
Shayx Muhammad Sodiq Muhammad Yusufning barcha 
kitoblarini topib o‘qish hayotiy maqsadimga aylandi. Har 
oy kitoblaridan harid qilib, kutubxonamni boyitib bordim. 
Biror savol meni qiynasa, Hazratning kitoblaridan javob 
izlardim. O‘sha kezda o‘zimni hayolan u kishi bilan 
muloqotda bo‘layotgandek tasavvur qilardim.
Shayxning deyarli har bir kitoblari mushohadaga undaydi, 
fikrlashga va o‘ylashga majbur etadi. Ana shunday kitoblaridan 
biri «Ochiq xat»ni men barcha sinifdosh do‘stlarimga o‘qish 
uchun berib turganman. O‘zim bilib-bilmay, o‘shanda 
do‘stlarimga mutolaa zavqini yuqtirgan ekanman.
Ustozim Erkin Malikning «Xotira uyg‘onsa go‘zal» ki-
toblarida «ochiq xat» xususida bunday deyil gan: «Albatta, 
muhtaram o‘quvchilarizmizda «ochiq xat» nimaga va 
kimlarga qaratilgan, degan haqli savol tug‘uladi. Ol-
dindan, shuni aytib qo‘ymoqchimizki, ushbu ochiq xat 
internet orqali butun dunyoga e’lon qilinadi va ko‘plab 
ommaviy axborot vositalarida bosilib ham chiqadi. «Ochiq 
xat» bugungi kunda dunyo afkor ommasining dardi va 
muammosiga aylanib borayotgan terrorchilik, islom 
terrori, islom fundamentalizimi, islomiy aqidaparastlik, 
diniy ekstremizm kabi turli atama va oqimlarning paydo 
bo‘lishi, ularning asl maqsadlari qo‘llab-quvvatlovchilari, 
yo‘lboshchilariga qarata aytilgan muhim hujjatdir». 
Bir kuni sinf rahbarimizga «Ochiq xat» va «Suniy 
aqidalar» kitobi yuzasidan tarbiyaviy soat o‘taylik, degan 
taklif bilan chiqdik. Ustoz fikrimizni maqullab, «Ochiq 
xat» kitobi asnosida dars o‘tdilar. Darsda har bir o‘quvchi 
faol qatnashdi. Mana shunday darslarni boshqa maktablarda 

---

102
Ibrohim Rixsiboyev
ham o‘tilsa, nur ustiga alo nur bo‘lardi. Sababi, qanchadan-
qancha yoshlarning yomon yo‘llarga kirib ketishi oqibatida 
ro‘y berayotgan ko‘ngilsiz voqealar hech kimga sir emas. 
Bu darslar esa ana shu jinoyatlarning oldini olishda muhim 
omil bo‘lishi mumkin.
Darhaqiqat, kitoblar insonlarga ibrat maktabi, qancha 
davr o‘tmasin, ular insonlarga birdek xizmat etib keladi. 
Inson so‘nggi nafasigacha qo‘lidan qo‘ymay yashashi kerak. 
Zero, beshikdan to qabrgacha ilm izla hadisi sharifda. Men 
oddiy kitobxon o‘quvchi sifatida fikrlarimni, siz aziz jurnal 
xonlar bilan o‘rtoqlashdim. Xulosa o‘zingizdan. Hazrat 
bugungi zamon yoshlariga jisman ko‘rinmasalar-da, yozib 
qoldirgan kitoblari ila ularning ruhiyatiga kirib borib, ilm 
ummonidan bir qatra bo‘lsa ham saboq berayotgandeklar, 
go‘yo. 
«Hilol» diniy-ma’rifiy, ijtimoiy-adabiy
 jurnalining 2019-yil 3-sonidan