Polimerlarning kimyoviy sinflanishi

To’yingan poliuglevodorodlar

Polietilen [−CH₂ − CH₂ − ]
Poliolefin birikmalarning eng oddiy vakillaridan biri polietilen etilenni polimerlash yo’li bilan olinadi. Etilenning o’zi esa, quyidagi usullar bilan olinadi:

a) tabiiy gaz, neft va uning tarkibidagi gazlardan olish. Neftni qayta ishlashda chiqadigan gazlar etilen va uning hosilalarini sintez qilishda eng arzon xom ashyo hisoblanadi. Shuning uchun ham sanoatda etilen, shu usul bilan olinadi.

b) etil spirtdan olish. Bu eski usul bo’lib, etil spirtni alyuminiy oksid katalizatorligida, sul’fat kislota ishtirokida 160-180⁰ da degidratlanadi:

C₂H₅OH → CH₂=CH₂ + H₂O

v) asetilendan olish. Asetilenga palladiy katalizatorligida 180-200⁰ da vodorod biriktirib, etilen hosil qilinadi:

HC≡CH + H₂ → CH₂ = CH₂

yuqorida keltirilgan uch xil bo’yicha olingan etilenning polimerlanish xususiyati ham turlicha bo’ladi. Chunki xom ashyo tarkibida aralashmalar ham uchraydi. Bu aralashmalar oz bo;lsa ham etilenning polimerlanishiga xalal beradi. Etilenni dastlab 1884 yilda rus olimi Gustavson alyuminiy bromid ishtirokida polimerlagan.

Hozir etilen bir necha usulda polimerlanadi. Turli usullarda sintez qilinganpolietilen makromolekulalarining tuzilishi, katta-kichikligi va o’zaro joylashish tartibi bilan farqlanadi, shu sababli ularning fizika-mexanikaviy xossalari ham turlicha bo’ladi. Sanoatda polietilen asosan quyidagi uch usulda ishlab chiqariladi:

1. Yuqori bosim va kislorod katalizatorligida etilenni polimerlsh

2. O’rta bosim (4 – 5 Mpa) va turli metal oksidlari katalizatorligida etilenning uglevodorodlardagi eritmasini polimerlash.

3. Atmosfera boisimi yoki past bosim (0,2 – 0,3 Mpa) da etilenni metalorganik kompleks katalizatorlar ishtirokida polimerlash.