Pán: Tárbiyalıq saat Tema: Kitapxanalar – insaniyat barlıq mánawiy baylıqlarınıń dúnyası Sabaqtıń maqseti

Sáne: ________________ 9-klass
Pán: Tárbiyalıq saat
Tema: Kitapxanalar – insaniyat barlıq mánawiy baylıqlarınıń dúnyası
Sabaqtıń maqseti:
a) bilim beriwshilik: oqıwshılarda kitap hám onıń áhmiyeti haqqında túsinik payda etiw;
b) tárbiyalıq: oqıwshılardı kitapqumarlıqqa tárbiyalaw;
c) rawajlandırıwshılıq: oqıwshılardıń bilim, kónlikpe hám uqıplıqların rawajlandırıw.
Tayanısh kompetenciyalar: kommunikativ kompetenciya, óz-ózin rawajlandırıw kompetenciyası.
Sabaqtıń túri: jańa bilim beriw
Sabaqta qollanılǵan metod: gúrrińlesiw, soraw-juwap
Sabaqqa kerekli qurallar: doska, por, kitap, foto súwretler, plakat, kartochkalar
Sabaqtıń barısı:
Shólkemlestiriw (3 minut): oqıwshılar menen sálemlesiw, klass tazalıǵına kewil bóliw, oqıwshılardıń sabaqqa qatnasın baqlaw, sabaqqa tayarlıq kóriw.
Ótilgen temanı bekkemlew (12 minut):
«Til bilgen – el biledi» atamasında jazıp kelgen dóretiwshilik bayan jumısların tekseriw.
Taza tema (10 minut):
Kitap — insannıń eń jaqın dostı hám másláhátshisi, aqıl qayraǵı hám bilim deregi esaplanadı. Kitap pikirlew quralı, ǵáziyneler quralı, sana-sezim deregi bolǵanı ushın da xalqımız onı nanday aziyz, ullı hám muqaddes dep esaplaǵan. Sonıń ushın, kitapta muhabbat, onı qádirlew, oqıwǵa qızıǵıwshılıq xalqımızdıń qan-qanına sińip ketken. Adamnıń mádeniyatı onıń kitabında sáwlelenedi. Sol mániste búgingi kúnde kitap oqıw hám oǵan bolǵan qarım-qatnası tómnelep baratırǵanday. Sebebi jaslar kóbirek kino, video, televedenie, kompyuterǵa berilip ketti. Kompyuter házirgi kúnde kóplegen shańaraqlarǵa da kirip barǵan. Qállegen jańalıq hám informaciyalardı bul qurallardan alıw múmkin . Tilekke qarsı, búgin kitap kitap oqıwǵa waqıt sarıplawdıń qájeti joqtay. Negizinde hesh bir informaciya quralı, kino yamasa videofilm ádebiy shıǵarma ornın basa almaydı.
Endi, biz insanlar ruwxıy azıqtı qayerden alamız? Álbette, “bilimler deregi” bolǵan kitaptan. Kitap – biybaha baylıq ekeni bárshemizge belgili. Hesh bir mdeniyat túrin radio yamasa televedenie, zamanagóy kompyuterler imkaniyatı hám abzallıqların inkar etpegen halda aytıw múmkin, bulardıń hesh biri kitap ornın basa almaydı. Ásirese, ádebiy kitaplar hár bir adamda insaniy paziyletlerdi kúsheytedi, dúnyaqarastı keńeytedi. “Ózimdegi barlıq iygilikli pazıyletlerim ushın kitaptan minnetdarman”, degen edi óz dáwirindegi ulamalardıń biri.
Bekkemlew (15 minut): Soraw-juwap
- Usı jasqa shekem neshe ertek kitap oqıǵansız?
- Ádebiy shıǵarmalardan qaysı jazıwshınıń shıǵarmaların oqıǵansız?
- Jáhán ádebiyatınan she?
- Bir kitap yamasa shıǵarmanı qaytalap oqıǵan waqıtlarıńız bolǵan ba? Ne sebep?
- Bir shıǵarmanı neshe márte qaytalap oqıw kerek dep oylaysız?
Bahalaw (3 minut): Soraw-juwapta belsendilik kórsetken, sabaqqa aktiv qatnasqan oqıwshılar reńli kartochkalar menen bahalanadı.
Úyge tapsırma beriw (2 minut):
Oqıwshılar úy jumısında ózi súyip oqıytuǵın shıǵarma qaharmanı haqqında kishigirim syudjetli jazba jumısın jazıp keledi.

RAIBDO: ____________ Qadamov T.

Klass basshısı: ____________ Utewlieva G.