Pán: Ádebiyat Klass: 6 Waqtı

III.Taza tema túsindiriw: (15 minut) Ibrayım Yusupovtıń ómiri hám dóretiwshiligi
I. Yusupov — qaraqalpaq ádebiyatı-nıń belgili wákili, Ózbekistan hám Qaraqalpaqstan xalıq shayırı, «Ózbekstan Qaharmanı», Berdaq atındaǵı mámleketlik sıylıqtıń laureatı. Sonday-aq proza, dramaturgiya tarawında qálem terbetken dramaturg, belgili awdarmashı.Shayır 1929-jılı 5-mayda Shımbay rayonında dúnyaǵa keledi. Shayır ádebiyat maydanına kirip kelgen dáslepki kúninen baslap-aq, qaraqalpaq ádebiyatınıń tazalıǵı, kórkemligi ushın miynet etti. Tınbay izleniwi hám óz ústinde qunt penen islewi nátiyjesinde onıń dóretiwshiligi kúnnen-kúnge gúllep rawajlandı. I. Yusupov haqqında Sh. Aytmatov, Zulfiya hám t.b. shayır-jazıwshılar joqarı pikirler ayttı.Onıń «Baxıt lirikası», «Kún shıǵıs jolawshısına», «Oylar», «Jeti asırım», «Dala ármanları», «Zaman aǵımı», «Kewil kewilden suw isher», «Tumaris hám basqa da poemaları» «Ǵarrı tuttaǵı gúz» hám taǵı basqa kitapları baspadan basılıp shıqtı. Qaraqalpaqstan Resbublikasınıń Gimniniń sózin hám Ájiniyaz operasınıń librettosın jazdı. Tuwısqan xalıqlardıń kópshilik shayırlarınıń shıǵarmaların qaraqalpaq tiline awdarǵan.
Ana tilime
Jıraw seni báygi atınday baplaǵan,
Sheshenler dawda shıńlap seni taplaǵan,
Alpamıslar uran etip urısta,
Berdaq seni qural etip saplaǵan.
Bayterekseń ósken góne tamırdan,
Dilwarlıǵıń qıl suwırǵan qamırdan,
Qaraqalpaqtıń kewli qusı sayrasa,
Sóz qıysını ǵáziyneńnen tabılǵan.