Pán: Ádebiyat Klass: 6 Waqtı

III.Taza tema túsindiriw: (15 minut) T.Jumamuratovtıń “Qásietli gawhar tas hám aqıllı shopan haqqında ertegi”
Qásietli gáwhar tas hám aqıllı shopan haqqında ertek
(úzindi)
Erte áyemgi zamanda,
Arqadan shıǵıs tamanda,
Ómir súrdi bir ǵarrı shal,
Padashı boldı baqtı mal,
Baqqanı baylardıń malı,
Tek kúneltip júrgen edi.
Kemtarlıqtı kórgen edi.
Úshew onıń balaları,
Jasınan-aq qıyqań eken,
Barǵan jeri wáyqan eken
Bir nárseden setem aldı,
«Bul nesi?»—dep hayran qaldı.
Jıynawǵa háreket etti,
Bir haywan aqıra ketti,
Qarasa úlken jolbarıs,
Omırawı keń, neshe qarıs,
Shorshıp ketti onı kórip,
Umtıldı buǵan táp berip,
Ǵarrıda ǵayrat mol edi,
Biraq qoldan ne keledi,
Mınaw júdá kúshli bále,
Awzın ashıp shaptı kele,
Turdı ǵarrı taysalmastan,
Jolbarıs sekirdi bastan,
Moynı ketti bastan asıp,
Almaq boldı tarpa basıp,
Artqı ayaq alǵa keldi,
Ǵarrı qushaqladı beldi,
Oń iyninde eki ayaq,
Tislemekshi tumsıq tayap,
Qayrap tisin sıqırlattı,
Tórt ayaǵın tapırlattı.
—Keltirmekseń maǵan ólim?—
Dedi ǵarrı qıstı belin,
Jolbarıs ilaj etpedi,
Jerge ayaǵı jetpedi,
Jete qoysa ayaq ushı,
Jolbarıstıń tasar kúshi,
Ǵarrını aspanǵa atar,
Pıt-shıt etip shaynap jatar,
Sum ájelden qáwip tuwdı,
Kózdiń jası betin juwdı,
Bara-bara qolı taldı,
Jan ushın gúresip baqtı,
Bedeninen terler aqtı,
Tirishilik ósher boldı,
Tatlı jannan kesher boldı,
Oyda joqta bir jas bala,
At oynatıp kele sala,
Jolbarıstıń basın attı,
Mıltıq kóshti, sespey qattı.
—Endi sizge bolmas qáwip,
Dedi bala ketti shawıp,
Basqa nárse soramadı,
Qaytıp artqa qaramadı,
Kim ekenin bilmey qaldı,
Uzap ketti, kórmey qaldı,
Jolbarıstı atıp urdı,
Ústinde dem alıp turdı,
—Yapırmay, búgin ne boldım,
Ólmedim, ossannan qaldım,
Atqan bala qanday bala?
Azat etti kele sala,
Aylanayın júrgenińnen,
Ólgenshe tilegińdemen,
Dedi, sırttan alǵıs ayttı,
Aman-saw úyine qayttı,