Pán: Ádebiyat Klass: 6 Waqtı

III.Taza tema túsindiriw: (15 minut) Tilewbergen Jumamuratovtıń ómiri hám dóretiwshiligi
T. Jumamuratov qaraqalpaq ádebiyatında lirik hám satirik shayır sıpatında tanıldı.Shayır 1915-jılı Moynaq rayonınıń Aqdárya awılında tuwıldı. Dáslep eski mektepte, soń jańasha mektepte oqıydı. Tashkent qalasında joqarı oqıw ornın pitkerip, awılında muǵallim bolıp isleydi.
T. Jumamuratov Moynaq rayonlıq «Qızıl balıqshı» gazetasınıń redaktorı, 1950-jılları Nókis qalasına kelip, gazetalarda, radio esittiriwde hám Qaraqalpaqstan jazıwshılar awqamında isleydi.Shayır jumıs islep júrip, dóretiwshilik jumısları menen tınımsız shuǵıllanadı. Nátiyjede bir qansha qosıqlar, poemalar, piesalar, gúrrińler jazadı. Awdarma jumısları menen shuǵıllanadı.T. Jumamuratov «Ámiwdárya», «Moynaqta», «Órletti ómir epkini» t.b. lirikalıq qosıqların, «Ton menen tóbeles», «Traktor hám ketpen», «Qarlıǵash, mıltıqshı hám jılan» t.b. yumor-satiralıq qosıqların, «Doslıq»,
«Kiyiktiń eki ılaǵı», «Bala tuwralı sóz», «Suwǵa ketken adam», «Mákarya sulıw», «Qásietli gáwhar tas hám aqıllı shopan haqqında ertek» t.b. poemaların, «Tiklengen tuw» dramasın, «Qızlar házili» komediyasın jazdı.