План – конспект занятия по ознакомлению с окружающим

ISSUE 9. SENTABR 
бўлишига ҳам ахборотнинг юқоридаги 
хусусиятлари сабаб бўлган. 
Ижтимоий макон – бу, айни вақтда 
ахборот макони ҳамдир. Глобаллашув 
шароитида ахборот ҳажмининг 
катталиги, уларнинг замонавий тезкор 
воситалар орқали тарқатилаѐтгани 
ахборот соҳасининг ижтимоий 
маконнинг бошқа шаклларидан тубдан 
фарқ қилишини таъминламоқда. Хусусан, 
замонавий оммавий ахборот воситалари 
(айниқса, Интернет тизими) орқали 
тарқатилаѐтган хабар ва маълумотларга 
турли сиѐсий тақиқлар, давлат 
чегаралари тўсиқ бўла олмайди.
Ахборот истеъмоли ижтимоий, 
аниқроғи, маънавий эҳтиѐжларни 
қондиришга қаратилган ҳодисадир. 
Ахборот истеъмоли хизматлар 
истеъмолининг ўзига хос шакли 
ҳисобланади. Маълумки, ҳар қандай 
хизматни истеъмол қилишдан аввал 
унинг сифати, нархи, фойдаси, қулайлиги 
ва бошқа шу каби хусусиятларига 
эътибор берилади. Бу жараѐнда, 
истеъмол қилинаѐтган хизматнинг талаб-
таклиф хусусиятлари ҳам инобатга 
олинади. Масалан, таклифи камайиб 
кетган хизматларнинг истеъмол даражаси 
юқори бўлиб, уларга талаб кучаяди. 
Мазкур хусусиятлар ахборот истеъмоли 
жараѐнига ҳам хосдир. Бироқ, маънавий 
неъмат бўлган ахборотни истеъмол 
қилиш ўзига хос томонлари билан ҳам 
ажралиб туришини таъкидлаш жоиз. 
Хусусан, ахборот конкрет шахс, 
ижтимоий гуруҳ, миллат, жамият ва 
давлат томонидан истеъмол қилинади-ки, 
мазкур даражаларда истеъмол 
жараѐнлари бир-биридан фарқ қилади. 
Масалан, бирон шахс учун қизиқарли 
бўлган маълумот, муайян ижтимоий 
қатлам ѐки гуруҳ учун аҳамиятсиз 
бўлиши мумкин. Шунингдек, ахборот 
макон ва замон хусусиятларига ҳам эга. 
Чунончи, Ғарбда ўта оммабоп бўлган 
ахборотлар, Шарқ халқлари томонидан 
кам истеъмол қилиниши мумкин. Бундан 
ташқари, маълум бир тарихий даврда 
катта қизиқиш билан кутиб олинган 
маълумотлар, вақт ўтиши билан одатий 
ҳолга айланиши ва ижтимоий ҳаѐтда бу 
тарзда инъикос этмаслиги мумкин. 
Ахборот истеъмоли, ким томонидан 
истеъмол қилинишидан қатъи назар, 
қабул қилиш, тушуниш, талқин этиш 
каби бир-бири билан узвий боғлиқ 
бўлган босқичларда амалга ошади.