PhD. Samatov A. A

Xalqaro sertifikatlashtirishdagi munosabatlar.
Xalqaro hamkorlikni rivojlantirish maqsadida Turkiya va Xitoy davlatlari bilan standartlashtirish, sertifikatlashtirish va metrologiya soxalarida hamkorlik qilish niyatida bitim tuzildi. Bu yo‘ldagi ishlar o‘z mevasini bermokda. Turkiya mutaxassislari Toshkentda bo‘lib, O‘zdavstandart tomonidan uyushtirilgan respublika seminarlarida sertifikatlashtirish sohasida ma’ruzalar bilan qatnashmoqdalar.
O‘zbekiston Respublikasi Mustaqil Davlatlar Hamdustligi qatoriga kiruvchi mamlakatlar bilan standartlashtirish, sertifikatlashtirish va metrologiya soxalarida bitimlar tuzgan bo‘lib, o‘zaro iqtisodiy va ijtimoiy munosabatlarni uzluksiz ravishda rivojlantirish borasida keng faoliyat yuritib kelinmokda.
Standartlashtirish, metrologiya va sertifikatlashtirish soxalarida ilmiy tadqiqot ishlari ham o‘z yo‘nalishiga egadir.
SMSITI standartlashtirish, metrologiya va sertifikatlashtirish sohalarida asosiy ilmiy - uslubiy baza hisoblanadi. U ilgarigi sobik Ittifoq Gosstandart tarkibidagi bosh ilmiy tadqiqot institutiga tegishli bo‘lgan funksiyalarni bajarish bilan bir qatorda, yuqorida qayd etilgan soxalar bo‘yicha fundamental tadqiqotlar olib boradi. SHu soxalardagi belgilangan maqsadlarni amalga oshirish uchun:

• 
  Standartlashtirish, metrologiya, sertifikatlashtirish va mahsulot sifati soxalarida hozirgi xalqaro talablarga javob beradigan milliy ilmiy baza yaratadi;
  
• 
  Sertifikatlashtirish, metrologiya, sertifikatlashtirish va mahsulot sifati milliy tizimlarini yaratishda ularning ilmiy va uslubiy asoslarini ishlab chikadi;
  
• 
  Mahsulotning raqobatbardoshlik qobiliyatni ta’minlaydigan, atrof - muhitni ishonchli darajada himoya qilishga, inson sog‘lig‘ini saqlashga. Mehnat xafvsizligini ta’minlashga, mudofaa kobiliyatini oshirishga qaratilgan xalqaro, me’yoriy va tashkiliy - uslubiy hujjatlar bilan uygunlashadigan, asos bo‘luvchi hujjatlar ishlab chiqadi va joriy etadi;
  
• 
  Sertifikatlashtirish va metrologiya sohalaridagi mavjud yoki uchraydigan muammolarni tadqiqot qilish, davlat tilida me’yoriy hujjatlar, ma’lumotnomalar, lug‘atlar yaratadi;
  
• 
  YUqori malakali ilmiy kadrlar tayyorlaydi;
  
• 
  Sertifikatlashtirish, metrologiya, sertifikatlashtirish va mahsulot sifatining ilmiy masalalari bo‘yicha xalqaro milliy va mintaqaviy tashkilotlar bilan hamkorlikni amalga oshiradi;
  
• 
  Sertifikatlashtirish, metrologiya va sertifikatlashtirish sohalarida ishlayotgan mutaxassislarning malakasini oshirishni ta’minlaydi;
  
• 
  Sertifikatlashtirish sohasida ishlaydigan ekspert – auditorlarni tayyorlaydi va boshqalar.
  

Institut tashkil qilinganiga ko‘p vaqt o‘tmaganligiga qaramay shu kunga qadar Respublika hayotida muhim ahamiyatga ega bo‘lgan bir qator hujjatlar yaratdi va yaratmokda.
Bulardan tashqari institutda atamashunoslik va tarjimalar bo‘limi tashkil qilingan bo‘lib, unda sertifikatlashtirish, metrologiya va sertifikatlashtirish sohalarida o‘zbek tilida yangi standartlar yaratish, mavjud me’yoriy hujjatlarni davlat tiliga tarjima qilish yo‘lida dastlabki foydali ishlar boshlab yuborilgan. YAqinda shu soxalardagi atama va ta’riflar to‘plamining dastlabgisini tayyorlab nashrga topshirildi. Bu hujjatlarning ahamiyati beqiyos bo‘lib, shu soxalardagi ishlarga qo‘yilgan birinchi poydevorlardan hisoblanadi.
Institut har taraflama - tashkiliy, uslubiy va moddiy - texnika ta’minoti bo‘yicha mustahkamlanmokda, hamda bu sohalarda ishlaydigan tajribali, bilimdon mutaxassislar bilan to‘ldirilib, kelajakda mustaqil Respublika oldida turgan muhim muammolarni echishga o‘zining salmoqli hissasini qo‘shadi degan umiddamiz.
YUqoridagilardan ko‘rinib turibdiki, savdo – sotiq ishlarida mahsulotning sifati asosiy ko‘rsatkichlardan biri bo‘lib qolmoqda. Ishlab chiqarilgan mahsulot xalqaro va milliy standartlashtirish, sertifikatlashtirishning talablariga mos kelishi lozim. Har bir mahsulot o‘z sifatini tasdiqlash uchun sertifikatga ega bo‘lishi kerak, demak, mahsulot sertifikatlashtirishni o‘tmoqligi lozim. Qanchalik ko‘p mahsulotlar sertifikatga ega bo‘lsa, shunchalik korxona, muassasa, tashkilotlarning iqtisodiy holati yaxshilanadi. Bu esa bir tomondan raqobatga bardosh beruvchi mahsulotlar sonini ko‘payishi bo‘lsa, ikkinchi tarafdan halq farovonligining o‘sishiga olib keladi, demak, mamlakatimizning xalqaro miqyosida mavqeini oshiradi. Kelajakda O‘zbekiston Respublikasi Buyuk davlat bo‘lishi uchun etarli darajada iqtisodiy imkoniyatlar yaratishda mahsulot sifati, uning xolisona baholanganligi va chet elda tan olinishi juda katta ahamiyat kasb etadi.