PhD. Samatov A. A

Namuna olish usullari
Bir xil partiya - bir tur va navli, bir xil kattalikdagi idishda bo‘lgan, korxonadan bir vaqt, smenadan ishlab chiqarish topshirishi, qabul qilishi, ko‘rish va sifati tekshirish uchun tayyorlangan konserva mahsulotlari tushiniladi.
Saylanma – xar bir yashik, korobkalardan namuna tayyorlash uchun ajratib olingan konserva mahsulotlari.
Dastlabki namuna – bu bir xildagi partiyalardan olingan saylanmalar yig‘indisi.
O‘rtacha namuna – laboratoriya tekshiruvchi uchun olingan dastlabki namunaning ma’lum qismi.
Namuna – o‘rtacha namunani ma’lum qismi bo‘lib, tegishli holda laboratoriya tekshiruvi uchun tayyorlanadi.
Tortma – namunaning ma’lum bir qismi bo‘lib, konservalangan oziq-ovqat mahsulotlari sifatini ko‘rsatkichlarini tekshirish uchun olingan.
Bir pog‘onali nazoratda ma’lum partiyadagi konservalangan oziq-ovqat mahsulotlari sifati to‘g‘risida bir martadagi tekshiruv asosida xulosa chiqariladi.
Ko‘p pog‘onali nazoratda – ikki marta va undan ko‘p tekshiruv asosida bir xulosaga kelinadi.
Tekshirishda to‘g‘ri namuna olish mahsulot sifati to‘g‘risidagi aniq ko‘rsatkichga ega bo‘lishda roli kattadir.
Tayyorlangan namunaning tarkibi butun partiya sifatini ko‘rsatishi kerak. Hamma oziq-ovqat mahsulotlari 6 guruhga bo‘linadi:
- suyuq bir xil materiallar;
- suyuq bir xil bo‘lmagan materiallar, ya’ni emulьsiya hosil qilib, bo‘laklarga ajraydigani;
- qattiq surkaluvchan konsistensiyaga ega bo‘lgan, katta idishda joylashgan materiallar;
- sochiluvchan materiallar;
- meva-sabzavotlar, mayda baliq, oziq-ovqatlar, go‘sht, katta baliq, parranda.
Suyuqliklardan namunani maxsus trubka, Vaxtin konstruksiyasi asosidagi nasos bilan olinadi.
Sochiluvchan, mayda donli mahsulotlardan maxsus qop shuplari yordamida turli qismidan – yuqorisidan, o‘rta va quyi qismidan.
qattiq surkaluvchan va yashik, bochkalarga joylashgan mahsulotlardan yog‘li shup yordamida olinadi. Bochka, butilkaga quyilgan suyuq mahsulotlardan har bir bochkadan – 200sm³, butilkadan 100sm³, 3% qadoqlangan ochilishi kerak, ya’ni 3 tasi.
YOpishqoq, surkaluvchan mahsulotlardan 200 g namuna olinadi. Go‘sht mahsulotlaridan esa turli joylaridan 200 g dan olinadi.
Bir xil namuna olish uchun, olingan dastlabki namunalarni go‘sht maydalagich(myasorupka) dan o‘tkazib qiyma (farsh) yaxshilab aralashtiriladi.
Parranda go‘shtlarini kimyoviy, organoleptik, texnologik tekshirish uchun turli chuqurlikda 70 g dan har xil joydan namuna olib, farsh tayyorlab aralashtirib tekshirish uchun tortma ajratib olinadi.