Pfp basics Sample Presentation

Rahbariyat va boshqaruv yuklatilgan shaxslar auditor audit mobaynida aniqlagan ahamiyatli kamchiliklar to‘g‘risida allaqachon xabardor bo‘lishi mumkin va xarajat yoki boshqa mulohazalar tufayli ularni bartaraf etmaslikni tanlagan bo‘lishi mumkin. Bartaraf etish choralarini amalga oshirishning xarajatlari va naflarini baholash javobgarligi rahbariyat bilan boshqaruv yuklatilgan shaxlar zimmasida bo‘ladi. Shu tufayli, 9-banddagi talab rahbariyat va boshqaruv yuklatilgan shaxslar bunday kamchiliklarni bartaraf etishni aniqlashda ko‘rib chiqishi mumkin bulgan xarajat va boshqa mulohazalardan qat’iy nazar qo‘llaniladi.

Auditor ahamiyatli kamchilik yuzasidan boshqaruv yuklatilgan shaxslar va rahbariyat bilan oldingi auditda axborot almashingani to‘g‘risidagi dalil auditor uchun axborot almashinuvini takrorlash zarurligini bekor qilmaydi, agarda bartaraf etish chorasi amalga oshirilmagan bo‘lsa. Agarda oldin axborot almashinilgan ahamiyatli kamchiliklar saqlanib qolsa, joriy yilning axborot almashinuvi oldingi axborot almashinuvidagi izohni takrorlashi mumkin, yoki oddiy tarzda oldingi axborot almashinuviga qarang etishi mumkin. Auditor rahbariyatdan yoki, o‘rinli bo‘lganda boshqaruv yuklatilgan shaxslardan ahamiyatli kamchilik nima uchun bartaraf etilmaganligini so‘rashi mumkin. Oqilona tushuntirish mavjud bo‘lmaganda, harakat qilmaslikning o‘zi ahamiyatli kamchilikni aks ettirishi mumkin.

Odatda, tegishli darajadagi rahbariyat ichki nazoratdagi kamchiliklarni baholash va zaruriy bartaraf etish chorasini amalga oshirish bo‘yicha javobgarlikka va vakolatga ega rahbariyat hisoblanadi. Ahamiyatli kamchiliklar uchun, tegishli daraja bosh ijrochi direktor yoki bosh moliyaviy direktor (yoki ekvivalent) bo‘lish ehtimoli mavjud, chunki ushbu masalalar yuzasidan boshqaruv yukatilgan shaxslar bilan ham axborot almashinishi talab etiladi. Ichki nazoratdagi boshqa kamchiliklar uchun, tegishli daraja ta’sir etilgan nazorat jabhalarida ko‘proq bevosita ishtirokka ega bo‘lgan va bartaraf etish chorasini amalga oshirish vakolatiga ega bo‘lgan operatsion rahbariyat bo‘lishi mumkin.

E`tiboringiz uchun rahmat!!!