Petrografiya

GRANODIORIT-DATSIT GURUHI 

 

Granodioritlar  granitlar  bilan  chambarchas  bog’langan  bo'lib, 

ular  kimyoviy  va  mineralogik  tarkiblariga  ko'ra  bir-birlariga  asta-

sekin  o'tib  boradilar.  Granodioritlar  guruhiga  kiruvchi    jinslarning 

mineral  tarkibi  granitlarnikiga  o'xshash,  ammo  ular  bir-birlaridan 

jinsni  tashkil  qiluvchi  asosiy  minerallar  nisbati  va  plagioklazning  

tarkibi bilan farq qiladilar. 

 Abissal        tog’    jinslari.  Granodiorit    kulrang,  qizg’ish  jins 

bo'lib,  o'rta,  katta  va  teng  donali,  ayrim  hollarda  porfirsimondir. 

Jins  strukturasi  gipidiomorf,  teksturasi  bir  tekis.  Granodioritning 

60-65  foizini  dala  shpatlari  tashkil  qiladi.  Plagioklaz  miqdori 

(40-45  foiz),  natriy-kaliyli  dala  shpatidan  (ortoklaz  yoki 

---

 

11 

mikroklin) ko'pdir. Granodioritda uchraydigan plagioklaz granitnikiga 

nisbatan  asosliroqligi  (№30-40,  andezin)  bilan  ajralib  turadi. 

Jins  tarkibining  20-25  foizini  kvars,  15-20  foizini      rangli 

minerallar tashkil qiladi. Rangli minerallar oddiy shoh aldamchisi, 

biotit,  ayrim  hollarda  piroksendan  iborat.  Aksessor  minerallardan 

apatit,  magnetit  va  sfen  uchraydi.  Ayrim  hollarda    granodioritda 

dala  shpatlaridan  faqat  plagioklaz  uchrashi  mumkin,  unda  jins  

plagiogranodiorit      deb  ataladi.  Granodiorit  bilan      granit 

orasidagi  jins    adamalit    deb  nomlangan  (Trioldagi  Adamella 

tog’i nomidan olingan).