Petrografiya

Effuziv  tog’  jinslari. Diorit guruhining effuziv turlari   andezit  

(kaynotip)  va    andezit  –  porfiritdir  (paleotip).  Andezitlar 

bazaltlar  bilan  bir  qatorda  keng  tarqalgan.  Tabiatda  andezitlar 

andezit-bazalt  orqali  asta-sekin  bazaltga  o'tib  boradi.  Tog’  jinsi 

to'q  kulrang  bo'lgani  uchun  oddiy  ko'z  bilan  bazaltdan  ajratish 

ancha qiyin. Andezit porfir strukturali bo'lib, porfirlar plagioklaz va 

rangli  minerallardan  tashkil  topgan.  Plagioklaz  porfirlari  ko'pincha 

zonal tuzilishga ega bo'lib, uning o'rta qismi (№ 50-70) chekka 

qismiga  (№  30-40)  qaraganda  asosli  bo'ladi.  Rangli 

minerallarning  yirik  kristallari  bazan  shoh  aldamchisidan,  ba'zan 

biotit  va  piroksendan  iborat.  Jinsning  asosiy  massasi  gialopilit 

(andezit)  yoki  pilotaksit  strukturalidir.  U  ko'proq  plagioklazning 

mikroliti, kamroq rangli minerallar va magnetitdan tashkil topgan. 

Ko'pincha mikrolitlarni vulqon shishasi qamrab oladi.  

Andezit-porfirit andezitdan birlamchi minerallarning o'zgarganligi 

bilan  farq  qiladi.  Plagioklaz  o'rnida  seritsit,  rangli  minerallar 

hisobiga xlorit, kalsit va vulqon shisha o'rnida xlorit rivojlanadi.