Pensiya ishi darslik i-qism toshkent-2020 Rustamov D. R., Tursunov J. P., Beknazarov Z. E

7.1-jadval
Bandlikka ko‘maklashish davlat jamg‘armasi daromadlarining tarkibiy tahlili⁵⁷

t/r	Ko‘rsatkichlar	2012yil	2013yil	2014yil	2015yil	2016yil	2017- yil	2018- yil
1.	Yagona ijtimoiy to‘lov summasidan 0,1 foizli majburiy ajratma	55,6	81,4	88,1	91,5	90,1	80,4	81,6
2.	Boshqa daromadlar	44,4	18,6	11,9	8,5	9,9	19,6	18,4
Jami daromadlar		100,0	100,0	100,0	100,0	100,0	100,0	100,0

O’zbekiston Respublikasi Bandlik va mehnat munosabatlari vazirligi, Qoraqalpog’iston Respublikasi Bandlik va mehnat munosabatlari vazirligi, viloyatlar va Toshkent shahri bandlik bosh boshqarmalari, tegishli ravishda Bandlik jamg’armasi mablag’larini tasarruf etuvchilar hisoblanadilar.
Bandlik jamg’armasi mablag’laridan quyidagilar uchun foydalaniladi:

• 
  tuman (shahar) aholi bandligiga ko’maklashish markazlarida ish qidiruvchi va ishsiz maqomiga ega sifatida ro’yxatga olingan shaxslarni kasbga tayyorlash, qayta tayyorlash va ularning malakasini oshirish ishlarini mablag’ bilan ta’minlash;
  
• 
  ishsizlik bo’yicha nafaqalar;
  
• 
  ishsizlarga muddatidan oldin pensiya tayinlanganligi sababli byudjetdan tashqari Pensiya jamg’armasi xarajatlarini qoplash;
  
• 
  aholi bandligiga ko’maklashish markazlarini saqlash va moddiytexnik ta’minlash, shuningdek mehnat organlarini joylashtirish uchun binolar, xonalar sotib olish, qurish, ularni rekonstruksiya qilish va mukammal ta’mirlash ishlarini mablag’ bilan ta’minlash;
  
• 
  haq to’lanadigan jamoat ishlarini qonun hujjatlarida belgilangan tartibda mablag’ bilan ta’minlash;
  
• 
  nogironligi bo’lgan shaxslar va fuqarolarning ijtimoiy himoyaga muhtoj bo’lgan boshqa toifalari mehnatidan foydalanish uchun ixtisoslashtirilgan ish o’rinlari tashkil etish tadbirlarini mablag’ bilan qisman ta’minlash;
  
• 
  axborot-ma’lumotnomalar chiqarish va reklama-noshirlik ishlarini amalga oshirish;
  
• 
  ish bilan ta’minlash, mehnatni muhofaza qilish, mehnat munosabatlarini tartibga solish, mehnatniga haq to’lash masalalari bo’yicha normativ-uslubiy va yo’riqnoma materiallar ishlab chiqishni mablag’ bilan ta’minlash;
  
• 
  belgilangan tartibda respublika darajasida va hududiy darajada ijtimoiy kuzatuvlarni tashkil etish va o’tkazish, ish bilan ta’minlash masalalari bo’yicha aholining ayrim guruhlari o’rtasida anketa so’rovlari o’tkazish;
  
• 
  ish bilan band bo’lmagan aholiga yordam ko’rsatish, shu jumladan, maslahatlar berish va kasbga yo’naltirishbilan bog’liq xarajatlarni qoplash;
  
• 
  aholini ish bilan ta’minlash maqsadli hududiy dasturlarini ishlab chiqishni hamda mehnat bozorida vaziyat murakkab bo’lgan tuman va shaharlarda ish o’rinlari tashkil etishni, shu jumladan, xizmatlar ko’rsatish, sanoat va qishloq xo’jaligi sohalarida obyektlar tashkil etish uchun muhandislik-kommunikatsiya tarmoqlarini loyihalashtirishni va arxitekturarejalashtirish topshiriqlarini ishlab chiqishni mablag’ bilan ta’minlash;
  
• 
  bandlik va mehnat muhofazasiga taalluqli masalalar bo’yicha maslahatlar, seminarlar o’tkazish, maqolalar, broshyuralar, qo’llanmalar va boshqa axborot materiallarini tayyorlash va chop etish bilan bog’liq xarajatlarni qoplash;
  
• 
  aholi bandligini ta’minlash va ishga joylashtirish, bo’sh ish o’rinlari va band bo’lmagan aholining hisobini yuritish sohalarida axborotkompyuter tizimlari va texnologiyalarini rivojlantirish va texnik qo’llabquvvatlash, shu jumladan, ularga oid dasturiy mahsulotlar ishlab chiqish va texnika vositalari sotib olish;
  
• 
  mehnat organlarining moddiy-texnika bazasini rivojlantirishga yo’naltirilgan chora-tadbirlarni moliyalashtirish;
  
• 
  aholi bandligi sohasida xalqaro hamkorlikni moliyalashtirish;
  
• 
  O’zbekiston Respublikasining chet ellarga ishga yuborilgan fuqarolarini ishga joylashtirishni tashkil etish va ularning ijtimoiy himoyasini ta’minlash masalalari bo’yicha xalqaro loyiha va shartnomalarni amalga oshirish bilan bog’liq xarajatlarni moliyalashtirish;
  
• 
  Bandlik jamg’armasining g’aznachilikdagi shaxsiy raqamiga tushadigan mablag’larning 5 foizini yo’naltirish orqali mehnat organlari xodimlarini moddiy rag’batlantirish va moddiy-texnik bazani mustahkamlash jamg’armasini shakllantirish.
  

7.2-jadval ma’lumotlaridan ko‘rinadiki, Bankdlikka ko‘maklashish jamg‘armasining asosiy xarajatlari ularni saqlash xarajatlari bilan bog‘liqdir.
7.2-jadval Bandlikka ko'maklashish davlat jamg'armasi xarajatlarining tarkibiy tahlili⁵⁸ (foizda)

t/r