Jadval ma’lumotlaridan ko‘rinadiki, 2019 yilda Pensiya jamg‘armasi daromadlari xarajatlariga nisbatan 3313,5 mlrd. so‘mga kam bo‘lib, ushbu farq Davlat byudjetidan subsidiya hisobiga qoplanishi belgilangan. Ya’ni, O‘zbekiston Respublikasi Davlat byudjetidan subsidiya pensiya to‘lovlari uchun, oylik talab miqdoridan kam bo‘lmagan miqdorda qoldiqni ta’minlash uchun ajratiladi.
Mazkur qarorga asosan, belgilangan stavkadan kelib chiqib hisoblangan va O‘zbekiston Respublikasi Davlat byudjetiga to‘lanadigan jismoniy shaxslardan olinadigan daromad solig‘i summasi fuqarolarning shaxsiy jamg‘arib boriladigan pensiya hisobvaraqlariga o‘tkaziladigan har oylik majburiy badallar summasiga kamaytirildi. Ushbu badal miqdori jismoniy shaxslardan olinadigan daromad solig‘i solinadigan daromadlaridan 0,1 foiz miqdorida hisoblab chiqarildi.
Shuningdek, tugatilayotgan davlat maqsadli jamg‘armalari va Respublika yo‘l jamg‘armasiga 2019 yil 1 yanvardan keyin tushadigan majburiy ajratmalar summasi to‘liq miqdorda Pensiya jamg‘armasiga o‘tkazilishi, ushbu to‘lovlar bo‘yicha ortiqcha to‘langan summalar esa Pensiya jamg‘armasidan to‘lanishi belgilandi.
2019 yil 1 yanvar holatiga pensiyalarni to‘g‘ri to‘lash bo‘yicha tekshirishlar natijasida aniqlangan fuqarolarga ortiqcha to‘langan pensiya summasi qoldiqlari hisobdan chiqarildi.
Mustaqillik yillarida davlat pensiya ta’minoti tizimini isloh qilish va takomillashtirishga qaratilgan bir qator Hukumat Qarorlari, tegishli vazirliklarning buyruqlari, nizomlar, yo‘riqnomalar va qoidalar qabul qilindi:
“Fuqarolarning jamg‘arib boriladigan pensiya ta’minoti to‘g‘risida”gi O‘zbekiston Respublikasi Qonunini amalga oshirish chora-tadbirlari haqida”gi O‘zbekiston Respublikasi Vazirlar Mahkamasining 2004 yil 21 dekabrdagi 595-sonli qarori va unga ilova qilingan Nizomlar;
“O‘zbekiston Respublikasi Moliya vazirligi huzuridagi byudjetdan tashqari Pensiya jamg‘armasi to‘g‘risidagi nizomni tasdiqlash haqida”gi O‘zbekiston Respublikasi Vazirlar Mahkamasining 2010 yil 19 fevraldagi 30sonli qarori;
“Fuqarolarning davlat pensiya ta’minoti to‘g‘risida”gi O‘zbekiston Respublikasi Qonuniga hamda O‘zbekiston Respublikasining Mehnat kodeksiga o‘zgartish va qo‘shimchalar kiritish haqida”gi O‘zbekiston Respublikasi Qonunini amalga oshirish uchun zarur bo‘lgan normativhuquqiy hujjatlarni tasdiqlash haqida” O‘zbekiston Respublikasi Vazirlar Mahkamasining 2011 yil 7 apreldagi 107-sonli qarori;
“Davlat pensiyalarini tayinlash va to‘lash tartibini yanada takomillashtirishga yo‘naltirilgan normativ-huquqiy hujjatlarni tasdiqlash to‘g‘risida”gi O‘zbekiston Respublikasi Vazirlar Mahkamasining 2011 yil 8 sentyabrdagi 252-sonli qarori;
“Ijtimoiy nafaqalarni tayinlash va to‘lash tartibini yanada takomillashtirish chora-tadbirlari to‘g‘risida”gi O‘zbekiston Respublikasi Vazirlar Mahkamasining 2012 yil 12 dekabrdagi 350-sonli qarori;
“Kam ta’minlangan oilalarga ijtimoiy nafaqalar va moddiy yordam tayinlash va to‘lash tartibi to‘g‘risidagi Nizomni tasdiqlash haqida”gi O‘zbekiston Respublikasi Vazirlar Mahkamasining 2013 yil 15 fevraldagi 44sonli qarori;
“Fuqarolarning davlat pensiya ta’minoti to‘g‘risida”gi O‘zbekiston Respublikasining Qonuniga muvofiq pensiyalarni to‘lashga xarajatlarni qoplash tartibi to‘g‘risida Nizomni tasdiqlash haqida”gi O‘zbekiston Respublikasi Vazirlar Mahkamasining 2014 yil 23 dekabrdagi 357-sonli qarori;
“2015-2017 yillarda pensiya ta’minotining yagona idoralararo integratsiyalashtirilgan axborot tizimini joriy etish chora-tadbirlari to‘g‘risida”gi O‘zbekiston Respublikasi Vazirlar Mahkamasining 2015 yil 19 oktyabrdagi 297-sonli qarori;
“Chet elda ishlayotgan O‘zbekiston Respublikasi fuqarolari hamda ish vaqtini hisobga olib bo‘lmaydigan shaxslarning ayrim toifalari tomonidan O‘zbekiston Respublikasi Moliya vazirligi huzuridagi byudjetdan tashqari Pensiya jamg‘armasiga sug‘urta badallari to‘lash tartibini, shuningdek ularning pensiyani hisoblash uchun olinadigan ish stajini va ish haqi miqdorini hisobga olish tartibi to‘g‘risidagi nizomni tasdiqlash haqida”gi O‘zbekiston Respublikasi Vazirlar Mahkamasining 2016 yil 22 fevraldagi 46sonli qarori;
“Fuqarolarning davlat pensiya ta’minoti tizimi yanada
takomillashtirilishi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida”gi O‘zbekiston Respublikasi Vazirlar Mahkamasining 2017 yil 27 iyundagi 429sonli qarori;
“Davlat pensiya ta’minoti bilan bog‘liq ishlar bo‘yicha sud amaliyoti to‘g‘risida”gi O‘zbekiston Respublikasi Oliy sudi plenumining 2017 yil 29 noyabrdagi 44-sonli qarori;
“Fuqaroni jamg‘arib boriladigan pensiya tizimida hisobga qo‘yish bo‘yicha davlat xizmatlari ko‘rsatishning ma’muriy reglamentini tasdiqlash to‘g‘risida”gi O‘zbekiston Respublikasi Vazirlar Mahkamasining 2018 yil 26 martdagi 238-sonli qarori;
“Fuqarolarning davlat pensiya ta’minoti tizimi yanada takomillashtirilishi munosabati bilan O‘zbekiston Respublikasi Hukumatining ayrim qarorlariga o‘zgartirish va qo‘shimchalar kiritish to‘g‘risida”gi O‘zbekiston Respublikasi Vazirlar Mahkamasining 2018 yil 25 sentyabrdagi 766-sonli qarori;
“Sudyalar va ularning oila a’zolari pensiya ta’minoti shartlari, me’yorlari hamda tartibi to‘g‘risidagi nizomni tasdiqlash haqida”gi O‘zbekiston Respublikasi Vazirlar Mahkamasining 2019 yil 9 yanvardagi 11sonli qarori;
“Fuqarolarning pensiyalarini hisoblash uchun zarur bo‘lgan hisoblangan ish haqining yakka tartibdagi hisobini yuritishni joriy etish chora-tadbirlari haqida”gi O‘zbekiston Respublikasi Vazirlar Mahkamasining 2019 yil 1 fevraldagi 80-sonli qarori shular jumlasidandir.
