Pedagogs international research journal

“PEDAGOGS” 
 international research journal ISSN: 
2181-4027
_SJIF: 
4.995
 
www.pedagoglar.uz
 
Volume-8, Issue-4, April - 2022
 
73 
TA’LIM JARAYONIDA VIRTUAL TEXNOLOGIYALAR 
Ilmiy rahbar: Nizomiy nomidagi Toshkent Davlat pedagogika universiteti 
«Informatika» kafedrasi dotsenti, S.Q.Tursunov 
Nizomiy nomidagi Toshkent Davlat pedagogika universiteti
Ta’limda axborot texnologiyalari yo‘nalishi 1-bosqich magistranti
Tagayev Qoldibek Koldorbek o‘g‘li 
Annotatsiya:
Maqolada ta’lim jarayonida virtual texnologiyalar, virtual 
texnologiyalardan foydalalangan holda ta’limning yangi usullarini joriy etishning 
o‘rni va ahamiyati, ularning turlari yoritilgan. 
Kalit so‘zlar: 
Virtual texnologiya, virtual haqiqat, ta’lim, texnologiya.
Axborot texnologiyalarining jadal rivojlanishi bilan birgalikda virtual 
texnologiyalarning ikki turi jadal suratlar bilan rivojlanmoqda: kengaytirilgan 
haqiqat (AR) va virtual haqiqat (VR). Ular so'nggi yillarda virtual aloqa tezligini 
qo‘lga kiritgan va davom etishi prognoz qilinayotgan tushunchalardir [1]. 
Amerikalik investor va startaplar asoschisi Jorj Bill Huffingon Post nashrida 
virtual haqiqat(VR) sohasini AQShda shiddat bilan rivojlanayotgan sohalar qatoriga 
qo‘shgan. Umuman olganda uning fikriga qo‘shilmaslikning iloji yo‘q, sababi 
virtual haqiqat(VR) innovatsiyalari qay darajada kuchli ta’sirga egaligiga o‘zimiz 
guvoh bo‘lib turibmiz. Hatto Toshkentning ba’zi istirohat parklarida VR garnituralar 
attraksionlarning biriga aylanganini ko‘rishimiz mumkin. 
Kompyutеrlarni qo‘llashdagi yangidan-yangi imkoniyatlarni aniqlash va ularni 
izchillik bilan amaliyotga tatbiq etib borish — ta’lim jarayonlarini taraqqiy 
ettirishning zamonaviy bosqichidagi muhim omillaridan biri hisoblanadi. O‘z 
navbatida, kompyutеr tеxnologiyalarining jadal taraqqiy etib borishi — ularni ta’lim 
jarayonlarida kеng qo‘llanishi uchun qulay shart-sharoitlarni yuzaga kеltirmoqda. 

---