Pedagogikani o’rganish zarurati. Ma’rifiy qadriyatlar va maqsadlar

3.Pedagogik muloqotning asosiy shakllari. Pedagogika o’z usullarini yo’q joydan yaratmaydi. U hayotdan kishilar xulq-atvorining real omillarini, bolalar hayotini pedagogik jihatdan maqsadga muvofiq tarzda tashkil etish vazifalariga javob beradiganlarni tanlab oladi, ulardan tarbiyaviy ishda muloqot orqali ta’sir ko’rsatish usullari sifatida foydalaniladi. Muloqot orqali ta’sir etish bolalarning ijtimoiy foydali faoliyatining pedagogik jihatdan maqsadga muvofiq tarzda tashkil etishga xizmat qiladigan vositalar tizimidan iborat. Bu vazifalar tarbiyalanuvchi shaxsiga qaratilgan bo’lib, bolalarning xulq-atvorini rag’batlantiradi, qiyin va murakkab vazifalarni quvonch, ijodiy zavq-shavq manbaiga har bir talabaning shaxsiy muddaosiga aylantiradi.

Muloqot – pedagogik faoliyatning muhim kasbiy quroli bo’lib, olimlar A.A.Kobolev, H.B.Kuzanina, U.A.Kan-Kalik, A.A.Montev, A.N. Mudrik, A.U.Sherbakovlar muomalaning o’qituvchi faoliyatidagi muhim rol o’ynashini isbotlashgan.