Pedagogikainstituti

Demokrit  hayoti: 
Demokrit  miloddan  avvalgi  460-yildan 
370-yilgacha  yashagan  deb  hisoblanadi.  Binobarin,  u  Platonning 
katta  zamondoshi  bo‘lgan.  Demokrit Frakiyadagi  Abderi  koloniyasida 
lug‘ilgan.  Ma’lumki,  u  Afinaga  tashrif  buyurgan  va  Sharq  hamda 
Misrga  bir  necha  uzoq  muddatli  sayohatlarga  chiqqan.  Ehtimol,  u  bi- 
lish va tadqiqotchilik maqsadlarida sayohat qilgan. U badavlat oilaning 
farzandi  edi.  Ammo  boylikdan  kechib,  butun  umrini  kambag‘allikda 
o‘tkazdi.  Bor umrini  donishmandlikka bag‘ishladi.
Demokrit  shahar  tashqarisida  joylashgan  yer  ostidagi  sag'anada 
kechay-kunduz  tinmay  ijod  bilan  mashg‘ul  bo‘lgan.  Demokrit  keng 
bilimlarga ega bo‘lgan. U o‘z zamonidagi  fanning ko‘pgina sohalarida 
samarali  ish  olib  borgan.  Uning  bir  necha  asarlari  nomini  keltirish 
bilanoq  qiziqishlarining  keng  doirasini  ko'rsatish  mumkin  bo‘ladi. 
«Buyuk  diakosmos»,  «Vrachlik  fani»,  « 0 ‘limdan  keyingi  narsalar 
haqida»,  «Tabiatning  tuzilishi  haqida»,  «Jahon  tartiboti  va  tafakkur 
qoidalari  haqida»,  «She’riyat to‘g‘risida»,  «Dehqonchilik  to‘g‘risida», 
«Matematika  to‘g‘risida»,  «To‘g‘ri  nutq  va  tushunarsiz  so‘zlar 
to‘g‘risida»,  «Yoqimli va yoqimsiz harflar to‘g‘risida» va hokazo.
Demokrit  asarlaridan  200  dan  300  gacha  parcha  saqlanib  qolgan. 
Muayyan  ma’noda  bu  ko‘pdir,  lekin  Demokritning  ulkan  ijodi 
mahsuldor  bo‘lganligini  hisobga  olsak,  biz  faqat  uning  asarlarining 
nisbatan kam qismiga egamiz. Shuning uchun bizning uning qarashlarini 
talqin  etishimiz  Demokrit  haqidagi  mavjud  ikkilamchi  axborotlardan 
foydalanadigan qayta ta’mirlashlardan  iborat bo‘ladi.