Pedagogika va psixologiya 116-gurux talabasi Norxo’jayev Dilmurod To’lagan o’g’lining

Oldingi tahrirga qarang.
O‘zbekiston Respublikasi Ichki ishlar vazirligi, Favqulodda vaziyatlar vazirligi, Milliy gvardiya va Davlat xavfsizlik xizmatining harbiy xizmatchilariga, o‘quv muassasalari tinglovchilari hamda kursantlariga tibbiy xizmat ko‘rsatishni yaxshilash maqsadida Vazirlar Mahkamasi qaror qiladi:
(muqaddima O‘zbekiston Respublikasi Vazirlar Mahkamasining 2020-yil 4-avgustdagi 462-sonli qarori tahririda — Qonun hujjatlari ma’lumotlari milliy bazasi, 05.08.2020-y., 09/20/462/1139-son)
Oldingi tahrirga qarang.
1. O‘zbekiston Respublikasi Mudofaa vazirligining harbiy-davolash muassasalariga O‘zbekiston Respublikasi Ichki ishlar vazirligi, Favqulodda vaziyatlar vazirligi, Milliy gvardiya va Davlat xavfsizlik xizmatining harbiy xizmatchilarini, o‘quv muassasalari tinglovchilari hamda kursantlarini belgilangan tartibda tuziladigan shartnomalarga asosan statsionar davolash vazifasi yuklansin.
O‘zbekiston Respublikasi Mudofaa vazirligining harbiy-davolash muassasalari tomonidan tibbiy xizmatlar ko‘rsatishda Ichki ishlar vazirligi, Favqulodda vaziyatlar vazirligi va Milliy gvardiya ovqatlanish, kommunal xizmatlar, hammom-kirxona xizmati, dori vositalari va tibbiyot buyumlari uchun qilingan harajatlarni Mudofaa vazirligiga qoplab beradi, ushbu mablag‘lar keyinchalik Mudofaa vazirligining moddiy-texnik bazasini takomillashtirishga yo‘naltiriladi.
(1-band O‘zbekiston Respublikasi Vazirlar Mahkamasining 2020-yil 4-avgustdagi 462-sonli qarori tahririda — Qonun hujjatlari ma’lumotlari milliy bazasi, 05.08.2020-y., 09/20/462/1139-son)
2. O‘zbekiston Respublikasi Ichki ishlar vazirligi 1996-yil 1-yanvardagi holatiga ko‘ra shtatdagi 127 nafar xodimlari bilan ichki qo‘shinlarning garnizon gospitalini (Navoiy sh.) belgilangan tartibda O‘zbekiston Respublikasi Mudofaa vazirligi balansiga bersin.
3. O‘zbekiston Respublikasi Moliya vazirligi:
O‘zbekiston Respublikasi Mudofaa vazirligi, Ichki ishlar vazirligi va Milliy xavfsizlik xizmatini 1996-yilda mablag‘ bilan ta’minlash rejalariga tegishli o‘zgartirishlar kiritsin;
Oldingi tahrirga qarang.
O‘zbekiston Respublikasi Ichki ishlar vazirligi, Favqulodda vaziyatlar vazirligi, Milliy gvardiyasi va Davlat xavfsizlik xizmati smetasida harbiy xizmatchilarini davolash uchun mablag‘larni har yili nazarda tutsin.
(3-bandning uchinchi xatboshisi O‘zbekiston Respublikasi Vazirlar Mahkamasining 2020-yil 4-avgustdagi 462-sonli qarori tahririda — Qonun hujjatlari ma’lumotlari milliy bazasi, 05.08.2020-y., 09/20/462/1139-son)
Vazirlar Mahkamasining Raisi I. KARIMOV