Pedagogika va aniq fanlar

O`qituvchining echimi 
Har    bir  shaxs  ijtimoiy,  xususan,  mikromuhitda  shakllanadi  va  rivojlanadi. 
Bolalar  o`z  tengdoshlari  bilan  muloqot  qilish,  o`qish,  o`ynash,  bellashish, 
baxslashish  ehtiyojiga  ega.  Ular  tengdoshlari  bilan  bo`ladigan  munosabatlarda 
o`zidagi  kamchilik  va  nuqsonlarni  sezadi,  ularni  bartaraf  etish  haqida  o`ylab 
ko`radi.  Tengdoshlarining  ta`siri  bilan  mehnatga  munosabatlari  shakllanadi. 
O`smirlar esa deyarli barcha hayotiy vaziyatlarda tengdoshlaridan namuna olishga 
intilishadi.  O`zlari  mansub  bo`lgan  muhitda  lider  bo`lishga  harakat  qiladi.  SHu 
sababli Nodirning dadasi nohaq. 
Dadasi  Nodirni  kitob  o`qishga  o`rtoqlarini  haqorat  qilmagan  holda  undashi 
zarur  edi.  Qolaversa,  dadasi  o`g`lining  o`rtoqlari    kimlar  ekanligini  bilishga 
intilmagani holda ular haqida noto`g`ri xulosa chiqardi.  
Eng to`g`ri yo`l Nodirga ko`chaga chiqishi uchun ruxsat berish, biroq, uzoq 
qolib  ketmasligini eslatib qo`yish, u qaytib kelganidan keyin esa o`rtoqlari kimlar 
ekanligini,  vaqtini  tengdoshlari  bilan  bo`ladigan  munosabatlarga  ham  sarflashi 
mumkinligini,  ammo,  ko`proq  vaqtini  tejashga  e`tibor  qaratishi  zarurligini 
tushuntirishi lozim.  
7-keys.    Birinchi  sinfda  o`qiyotgan  Dilshod  she`rni  ifodali  o`qib  bergani 
uchun  “besh”  baho  oldi.  O`qituvchi  uni  buning  uchun    maqtadi.  Dilshod  uyga 
qaytgach, shoshganicha, bu xabarni oyisiga aytdi. U, hatto, o`zi yod olgan she`rni 

---

 
 
 
161 
 
oyisiga  ham  o`qib  bermoqchi  bo`ldi.  Ammo,  oyisi  Dilshodning  xabarini 
sovuqqonlik bilan tingladi va o`g`liga qayrilab ham qaramasdan dedi: 
-    Besh  oldingmi?  Juda  soz,    barakalla,    -    endi  ovqat  tayyorlashimga  xalaqit 
bermagin-da, o`ynab kel!  
Dilshod tushlik ham qilmay ko`chaga chiqib ketdi.