Pedagogika. Psixologiya

7. 3. Shaxsning individual (tipologik) psixologik xususiyatlari. 

  Shaxs  –qaytarilmas,  u  o’z  sifatlari  va  borligi  bilan  noyobdir.  Ana  shu  qaytarilmaslik  va 

noyoblikning asosida uning individual psixologik xususiyatlar majmui yotadi. Inson shaxsining 

eng xarakterli tomonlaridan bir uning individualligidir. «Individuallik» deganda shaxs psixologik 

---

xususiyatlarining qaytarilmaydigan birikmasi tushuniladi. Individuallik faktiga, ya’ni shaxsning 

individual xususiyatlariga quyidagilar kiradi: 

Xarakter, temperament, qobiliyat, irodaviy sifatlar, hissiyot va motivatsiya; 

  Mana shu yuqorida ko’rsatilgan psixik xususiyatlar birikmasi bir xilda qo’shilib keladigan 

inson  yo’q.  Ushbu  individual  psixologik  xususiyatlarning  ahamiyati  katta  bo’lib,  ular  bizning 

jamiyatdagi  o’rnimiz,  obro’-e‘tiborimiz,  ishdagi  va  o’qishdagi  yutuqlarimiz,  inson  sifatidagi 

qiyofamizni, kim ekanligimizni, kerak bo’lsa, o’zligimizni belgilaydi. Demak, individual sifatlar 

bizning  ongli  hayotimizning  ajralmas  qismi,  idrokimiz,  xotiramiz  va  fikrlarimiz  yo’naltirilgan 

muhim predmet ekan. Chunki, aynan ular bizning turli faoliyatlarni amalga oshirish va ishlarni 

bajarishdagi individual uslubimizga bevosita aloqador. Kimdir juda yaxshi qoyilmaqom ish qiladi, 

lekin  juda  sekin,  kimdir  ishga  yuzaki  qarab,  nomiga  uni  bajarsa,  boshqa  bir  odam  unga  butun 

vujudi va e‘tiqodi bilan munosabatda bo’lib, tinimsiz izlanadi va jamiyat uchun manfaat qidiradi. 

Shuning  uchun  ham  individuallikning  faoliyat  va  muloqatdagi  samarasini  inobatga  olib,  eng 

muhim individual – psixologik xususiyatlarni alohida o’rganamiz. 

Xarakter  tug’ma bo’lmaydi.  Faqat layoqat nishonalari tug’ma bo’lishi mumkin, ular nerv 

sistemasining xususiyatlariga bog’liq bo’ladi. Xarakter shaxsning individual xususiyatidir.  

Xarakter – kishining voqelikka bo’lgan munosabatlarini ifodalovchi va uning axloqi hamda 

hatti-harakatlarida  namoyon  bo’luvchi  barqaror  psixik  xossalarining  individual  tarzda  birga 

qo’shilishidir. Xarakterning aynan tarjimasi «bosilgan tamg’a», «xislat» degan ma’noni bildiradi. 

Xarakterning  ko’p  hislatlari  odamning  hatti-harakatini  belgilab  beruvchi  chuqur  va  faol 

mayllar  hisoblanadi.  Ma’lumki,  turli  kishilarning  xarakteri  turlicha.  Shu  sababli  ham  bir  xil 

sharoitlarda, aynan bir xil maqsadga intiluvchi kishilar shu maqsadga erishish uchun zarur bo’lgan 

harakatning  turli  usullariga  moyil  bo’ladilar.  Xarakterning  shakllanishi  ijtimoiy  munosabatlar 

bilan belgilanadi. Ijtimoiy munosabatlar oiladagi, o’quv jamoasidagi muhim xayrihohlik, zolimlik, 

badjahllik,  ichi  qoralik,  kamtarinlik,  raqobat,  o’zaro  yordam  va  boshqalarni  o’z  ichiga  oladi. 

Xarakterning shakllanishi, tarkib topishi odamning aktiv faoliyati jarayonida ro’y beradi. 

Temperament  xarakterdan  farqli  o‘laroq,  tug’ma  xususiyatlar  majmuasi  bo‘lib,  oliy  nerv 

faoliyat tiplarining inson xulq atvorida namoyon bo‘lishni ifodalaydi. Temperamentning aynan 

tarjimasi,  lug’aviy  ma’nosi  «aralashma»,  «qorishma»,  «mijoz»  ma’nolarini  anglatadi. 

Temperament  termini  fanga  birinchi  bo‘lib  eramizdan  avvalgi  V  asrda  yashagan  grek  vrachi 

Gippokrat tomonidan kiritilgan. 

Insonning  xatti-harakati  va  faoliyatida  namoyon  bo’luvchi  Shaxsiy  –psixologik 

xususiyatlarning yig’indisiga temperament deyiladi.  

Psixologiyada  temperamentning  to‘rtta  tipi  farqlanadi:  sangvinik,  xolerik,  flegmatik, 

melanxolik.