Pedagogika kk

Ha`zirgi  ku`nde  ja`miyettin’ rawajlaniwinda pedagogikanin` orni. 

   XXI  a`sirde  ja`miyetlik  –  ekonomikaliq  mu`na`sibetler  rawajlaniwinda 

insan  aqil  parasatli  ha`m  ruwqiy  tiykar  rawajlandiriwshi  qural  ekenligi  belgili 

bolmaqta. 

  Ha`r  bir  g`a`rezsiz  pa`n  o`zinin`  predmeti  ha`m  metodologiyaliq 

tiykarlarina  iye.  Basqa  pa`nler  siyaqli  pedagogikada  pa`n  sipatnda  payda  bolar 

eken,  ol  da`slep  ja`miyettin`  talap  ha`m  wa`ru`rlikleri  tiykarda  payda  boladi.  Sol 

sebepli  ta`rbiya  protsesi  ja`miyetlik  turmistin`  ajiralmas  bo`legi  dep  qarag`animiz 

duris  boladi.  Sebebi  ta`rbiyaliq  islerdi  alip  barmastan  burin  ja`miyetti,  onin` 

rawajlaniwin aqilg`a siydiriw qiyin   

  Ha`r bir adam o`zinin` o`tken o`mirine ko`z taslasa onda mektepke, birinshi 

mug`allimlerine  degen  jilli  sezimler  payda  boladi.  Ustaz  balalardi  birinshi  bolip 

mektep  bosag`asinda  ku`tip  aladi  xa`m  ulken  o`mirge  shig`arip  saladi.  Mektepti 

pitkerip shig`aman degenshe ustaz balanin` janinda boladi. Waqittin` o`tiwi menen 

ko`p jillardan keyin g`ana bizler ustazlarimizdin` awir  miynetin tu`sinip, baxalay 

alamiz.  Tek  o`zlerimiz  u`lkeyip,  ata-ana  bolg`an  wakitimizda,  o`z  balalarimizdi 

ta`rbiyalay  otirip  olardi  o`siriw  ushin  qansha  ku`sh  jiger  kerekligin, 

mug`allimshilik ka`siptin` qanday qiyin ekenligin tu`sinemiz.  

   Bizin`  balalarimizdin`,  bizin`  xalqimizdin`  keleshegi  mug`allimnin` 

qolinda.  Mug`allim  boliw  ha`mme  adamnin`  qolinan  kele  bermeydi.  Sebebi 

pedagog-bul talant, uqip. Mug`allimshilik jolin tan`lag`an adam xa`r ku`ni tinimsiz 

izlenip miynet etiwi kerek. Biraq a`dette jumis qanshelli qiyin bolg`an sayin onin` 

juwmag`i adamg`a qanaatlaniwshiliq sezimin alip keledi. 

  Ustazdin`  uaziypasi  balag`a  tek  bilim  berip  qoyiw  emes,  al  oni  adam  etip 

ta`rbiyalap shig`ariw.Pedagogika pa`nin u`yrenbesten burin soni tu`sinip alin`, bul 

ilim sizlerge xaqiyqiy mug`allim boliwg`a ja`rdem beredi. 

  Pedagogika ilimi-bul o`sip kiyatirg`an a`wladti oqitiw ha`m ta`rbiyalawdin` 

ko`p  a`sirlik  ta`jriybelerdin`  jiynag`i.  Pedagogika  ilimi-bul  xa`r  ta`repleme 

rawajlang`an adamdi jetilistiriw boyinsha ko`p jilliq izertlewler juwmag`i. 

---

 

5 

  Erkinlik  alg`an  ma`mleketimizde  qayta  quriwlar  ken`    en  jaymaqta. 

Turmisimizdin`  barliq  tarawlarinda,  sonday-aq  jas  a`wladtin`  ta`lim-ta`rbiyasinda 

da  keskin  o`zgerisler  payda  bolmaqta.  Ruwxiylig`imizdi  qayta  tiklew  ja`ne  de 

bayitiw  barisinda  uliwma  xaliqliq  gu`res  baslandi.  Quyash  nurina  zar  bolg`an 

alimlarimizdin`, filosoflarimizdin` ulli shig`armalari jariqqa shig`ip atir. 

 Respublikamizdin`  sotsialliq,  ekonomikaliq  keleshegi  jas  a`wladqa  xa`m 

olardin` keleshekte qanday ka`sip o`ner iyelewine qarap respublikamiz keleshegin 

ko`z  aldimizg`a  keltirsek  boladi.  Keleshek  jaslardiki.  Sonin`  ushin  da  jaslardin` 

ta`lim-ta`rbiyasina  shin  kewilden  itibar  beriwimiz  kerek.  Jaslar  ta`lim-ta`rbiyasi  

bul    ha`r  bir  ata-ananin`,  mug`allimnin`,  ta`rbiyashinin`  Watan  aldindag`i  a`diwli 

minneti.