«pedagogika» kafedrasi fani bo’yicha O’quv-uslubiy majmua tuzuvchilar

Фаннинг ўқув режадаги бошқа фанлар билан ўзаро
боғлиқлиги ва услубий жиҳатдан узвий кетма-кетлиги

“Педагогик маҳорат” фани ўқув режада 3 курснинг 5- ёки 6-семестрларида ўқитилади.

Мазкур фан – Педагогика назарияси ва тарихи, Педагогик технология, Ижтимоий педагогика, Ёш ва педагогик психология, фанларни ўқитиш методикаси, Мантиқ, Этика, Эстетика, Ўзбекистон тарихи, Мактаб гигиенаси ва физиологияси каби фанлар билан узвий алоқада ўрганилади.

Фанни таълим соҳасидаги ўрни

Республика узлуксиз таълим тизимида жамият томонидан берилаётган баркамол шахс ва малакали мутахассисни тайёрлашдек ижтимоий вазифа муваффақиятини таъминлашда ўқитувчи (педагог) кадрларнинг ўрни ва роли беқиёс. Таълимнинг турли йўналишлари бўйича малакали мутахассисларни тайёрлаш, уларда энг юксак маънавий-ахлоқий сифатларни шакллантириш узлуксиз таълим тизими босқичларида фаолият юритаётган ўқитувчи (педагог)ларнинг зиммаларига масъулиятли вазифаларни юклайди. Бундай вазифалар сирасига таълим жараёнини модернизациялаш, такомиллаштириш, уни жаҳон таълими стандартларига кўтариш алоҳида аҳамият касб этади. Таълимий ислоҳотлар дастурларида белгилаб берилган вазифаларни бажариш учун ўқув муассасаларида фаолият олиб бораётган ўқитувчи (педагог)ларнинг ўзлари юқори даражада касбий малака ва педагогик маҳоратга эга бўла олишлари зарур. Шунга кўра “Педагогик маҳорат” фани асосий ихтисослик фанларидан бири бўлиб, олий таълим тизимида муҳим ўрин тутади.
Фанни ўқитишда замонавий ахборот ва педагогик технологиялар

“Педагогик маҳорат” фани асосларини ўқитишда таълим жараёнини янгича ёндашув асосида ташкил этиш талаб қилинади. Ўқув машғулотларини олиб боришда илғор педагогик ва ахборот технологияларидан самарали фойдаланиш, таълимни ноанъанавий шакл ва методлар ёрдамида ташкил этиш мазкур жараёнга янгича ёндашишни ифодалайди.

Ушбу фан бўйича талабаларга назарий билимларни беришда дарслик, ўқув ва услубий қўлланмалар, маъруза матнлари, тарқатма ва электрон материаллар, педагогик энциклопедия ва луғатлар, таълимнинг техник воситаларидан самарали фойдаланилади. Ўрганилаётган мавзу моҳиятига кўра маъруза, семинар ва лаборатория машғулотлари шахсга йўналтирилган таълим турлари ёрдамида ташкил этилади. Шунингдек, фанни ўқитиш жараёнида интерфаол методлар (“Эссе”, “Кластер”, “6х6х6”, “Тўртинчиси ортиқча”, “Балиқ склети”, “Кейс-стади”, “Нима учун”, “Чархпалак, “Бумеранг”, “Галерея” ва бошқалар), замонавий техник воситалар, ахборот технологияларини қўллаш назарда тутилади.