Pedagogika javoblar Korreksion pedagogika fani va uning dolzarb masalalari

10. Psixolog L.V.Zankov va L.S.Vigotskiylar nechanchi yildan boshlab hamkorlikda ishlay boshlaganlar Atoqli psixolog L. V. Zankov 1935 yildan L.S.Vigotskiy bilan hamkorlikda ishlay boshladi. Bu olimlarning sovet psixologiyasi va defektologiyasining nazariy jihatdan shakllanishida katta ahamiyatga ega bo‘ldilar. Ular aqliy jihatdan qoloq bolalar psixikasi taraqqiyoti qonuniyatlarini o`rganib, "rivojlanishning to`xtash nazariyasi", "chegara" degeneratsiya nazariyasi", "ma’naviy defektli" kabi g‘ayri ilmiy va reaksion nazariyalarni fosh etdilar


11. Qanday bolalar anomal bolalar deyiladi Anomal bolalar sog`lom tengdoshlari orasida inklyuziv ta’limda yoki maxsus ta’lim-tarbiya muassasalarida tarbiyalanishi va o`qitilishi kerak. Bolaning umumiy rivojlanishiga har tomonlama kuchli ta’sir etgan nuqsonlargina uni anomal bola deb hisoblashga asos bo‘lishi mumkin. Masalan, bolaning faqat chap qulog‘i eshitsa-yu, bu nuqson uning har tomonlama rivojlanishiga ta’sir etmaydigan, u umumiy maktab sog‘lom tengdoshlari qatori o`zlashtiradigan bo`lsa, u anomal bolalar toifasiga kirmaydi. Katta yoshdagi kishilarda ma’lum sabablarga ko`ra paydo bo‘lgan nuqsonlar ham ularning umumiy rivojlanishiga ta’sir etmasa, bu kishini anomal deb hisoblash mumkin emas.
Ruhiy va jismoniy kamchiliklari bor bolalar anomal bolalar deyiladi (yunoncha odatdan tashqari, noraso degan ma`noni bildiruvchi anomalos so`zidan olingan).
12. O’zbekistonda nechanchi yildan boshlab korreksion pedagogika rivojlanishi tezlashdi O`zbekistonda defektologiya fanining rivojlanish 1967-yildan boshlab tezlashdi, chunki shu yili Nizomiy nomli Toshkent davlat pedagogika institutining Pedagogika va psixologiya kulliyoti qoshida oligofrenopedagogika bo‘limi tashkil etildi. Bu bo‘limga 1976-yili surdopedagogika bo‘limi qo‘shildi. 1984-yili esa mustaqil defektologiya kulliyotining bir necha bo‘limida ta’lim berila boshlandi. Hozir TDPU BTU va defektologiya fakultetida bu yerda 3 kafedra: "Oligofrenopedagogika va logopediya", "Surdopedagogika va tiflopedagogika” BT kafedralari ishlab turibdi. U yerda defektolog bakalavr va magistlar tahsil olmoqdalar.Ta`lim kunduzgi va sirtqi bo‘limda o`zbek va rus tilida tashkil etilgan. Defektologiya fanining rivojlanishi natijasida undan quyidagi tarmoqlar mustaqil fan sifatida ajralib chiqdi: surdopedagogika (lotincha surdus — kar, gung so`zidan olingan) — eshitish qobiliyati zaif bolalarning ta’lim-tarbiyasi bilan shug‘ullanadigan fan; tiflopedagogika (yunoncha tiflos — ko`r, so`qir so`zidan olingan) — ko`rish qobiliyati zaif bolalarning ta’lim-tarbiyasi bilan shug‘ullanadigan fan; oligofrenopedagogika (yunoncha oligos — kam, fren — aql), so`zlaridan olingan, — aqliy tomondan zaif bolalarning ta’lim-tarbiyasi bilan shug‘ullanadigan fan; logopediya (yunoncha logos — so`z, padeo — tarbiya so`zlaridan olingan) — og‘ir nutq nuqsonlarini o`rganish, oldini olish, bartaraf etish yo‘llari, usullarini o`rganadigan fan.