Pedagogika fanidan izohli lug’at. A avtomonitoring

U
Uzliksiz ta’lim – milliy modelning asosiy qismi bo’lib, u quyidagi ta’lim turlarini o’z ichiga oladi: maktabgacha ta’lim; umumiy o’rta ta’lim; o’rta maxsus kasb-hunar ta’limi; oily ta’lim; oily o’quv yurtidan keyingi ta’lim; kadrlar malakasini oshirish va qayta tayyorlash; maktabdan tashqari ta’lim.
Umumdavlat tasniflagichi – standartlashtirish bilan shug’ullanadigan davlat idorasi yoki boshqa tegishli huquqqa ega bo’lgan respublika idorasi tomonidan tasdiqlangan va iste’molchilarning keng doirasiga yaroqli bo’lgan standart.
Umumiy o’rta ta’lim – bu to’qqiz yillik (I-IX sinflar) o’qishdan iborat bo’lgan umumiy o’rta ta’lim- majburiy ta’limdir. Bunda ta’limning (I-IX sinflar) ta’limni ham qamrab oladi hamda o’quvchilarning fanlar asoslari bo’yicha muntazam bilim olishlarini, ularda mehnat ko’nikmalarini, ijodiy fikrlash va atrof muhitga onhli munosabatda bo’lishni va kasb tanlashni shakllantiradi.
Umumlashtirish – narsa va hodisalarning o’xshash hamda muhim belgi va xususiyatlarini, bog’lanishlarini fikran muayyan tushunishga birlashtirish jarayoni va uning natijasidir.
Umumiy o’rta ta’limning DTS – o’quvchilar umumta’lim tayyorgarligiga, saviyasiga qo’yiladigan majburiy minimal darajani belgilab beruvchi, o’zining tuzilishi va mazmuniga ko’ra davlat, hudud, maktab manfaatlari va vositalari muvozanatini aks ettiruvchi, o’quvchi shaxsi, uning intilishlari, qobiliyatlari va qiziqishlari ustuvorligini ta’minlovchi hujjat.
Usul – narsa, hodisa yoki biror jarayonni o’rganish va amalga oshirish ketma-ketligi. Keng ma’noda qo’llaniladigan “usul” o’qitishning o’z oldiga qo’ygan maqsadlariga erishish, ma’lum ob’yektni o’zlashtirish borasidagi nazariy va amaliy faoliyatlarini anglatadi.
F
Fayl – yagona yaxlit deb qaraladigan ma’lumotlar yoki dasturlar majmuasi. Fayl o’z nomiga ega bo’lgan va tizimda saqlanadigan ma’lumotlarning asosiy elementi bo’lgan ob’yektdir.
Faks- modem – ichiga aloqa o’rnatish, modulyatsiya va tasvirlarni uzatish bo’yicha faks bayonnomalari o’rnatilgan modem. Bunday modem odatiy modemlar (ma’lumotlarni uzatish bayonnomalari vositasida) kabi, faksmashinalari bilan ham ishlay oladi. Odatda, barcha zamonaviy modemlar fakslarni birday yaxshi uzata oladi. Lekin odatiy fakslardan qolishmasada, qabul qabul qilish vazifasini ularning hammasi ham eplay olavermaydi.
Fakultet – bir yoki bir necha turdosh ta’lim yo’nalishlari va mutaxassisliklari bo’yicha bilim olayotgan talabalar va ularga xizmat ko’rsatuvchi kafedralarni birlashtiruvchi bo’lim. Fakultetni dekan va uning movinlari boshqaradi.