Pedagogika fakulteti psixologiya kafedrasi

Mavzu yuzasidan keys topshirig’i

Toshkent shahrida yashovchi Kamolov Farhod Kamolovich 35 yoshda, oliy ma’lumotli, kichik korxonada rahbar lavozimida ishlaydi. Xotini Kamolova Xurshida Atxamovna 32 yosh, oliy ma’lumotli, u eri bilan maslahatlashmay ishga kirib oladi. Bu holat er-xotin munosabatlariga kuchli salbiy ta’sir ko‘rsatdi. Ularning ikki farzandlari bor. Salima 7 yoshda, Komila 6 yoshda. Psixologik maslahat jarayonida F.Kamolov qizlarini yaxshi ko‘rishini gapirib, xotinining yolg‘on gapirishga moyilligidan charchaganligini, maslahatlashmay ishga joylashishi esa sabrining so‘nggi nuqtasi ekanligini va bu ahvolda boshqa birga yashay olmasligini ta’kidladi. Xotini X.Kamolova erini axloqsiz, oilasiga doimo hiyonat qilgan, bolalarini esa umuman yaxshi ko‘rmaydi deb hisoblaydi. Eri unga Toshkentda doimiy ro‘yxatdan o‘tish maqsadida uylangan, deb hisoblaydi. Hozirgi kunda ukalari etarlicha yordam bera olmayapganlari uchun eri o‘zini shu tariqa tutyapti, deb hisoblaydi. Maslahatlashmay ishga joylashishining sababi erining unga befarq, kamsitish bilan muomala qilganligi ekanligini, ayrim hollarda esa umuman, hatto ro‘zg‘or va farzandlar ehtiyoji uchun ham pul bermasligi bilan izohladi. U ham ajrashish haqida o‘ylayotganligini, bolalari uchun aliment talab qilgan holda, o‘zi ham ishlab, hech qanday kamchiliklarsiz, janjallarsiz tinch yashashi ehtimoli yuqori ekanligini ta’kidladi.

Mazkur vaziyatga aniqlik kiriting. Er-xotin o‘rtasidagi munosabatlarning asl sababi nimada deb o‘ylaysiz?