Pеdagоgika fakultеti «pеdagоgika» kafеdrasi mavzu: O’zbek milliy qadriyatlari asosida o’quvchilarni vatanparvarlik ruhida tarbiyalash

Bitiruv malakaviy ish muammosining o`rganilganlik darajasi. Xalq pedagogikasi namunalarida vatanga muhabbatni tarbiyalash g`oyasi asosiy o`rin tutadi. Eng qadimgi milliy-ma’naviy qadriyatlarimiz – “Avesto”, O`rhun-Enisey yodgorliklari, Qur’oni Karim va Hadisi Sharifda, Markaziy Osiyo allomalari Amir Temur, Alisher Navoiy, Zahiriddin Muhammad Bobur kabilarning asarlarida yoshlarda vatanparvarlikni tarbiyalash masalalari ilgari surilgan.
Istiqloldan so`ng Vatan tushunchasi yangicha mohiyat kasb etdi, jahon taraqqiyotiga ulkan hissa qo`shgan, millatimiz faxri, iftixori hisoblangan ulug` allomalarimizning xizmatlarini xolisona baholash, ularning nomlarini abadiylashtirish, davomchilarini tarbiyalab yetishtirish umumdavlat ahamiyatiga ega bo`lgan vazifalardan biriga aylandi. Vatan tuyg`usining mohiyati va mazmuni O`zbekiston Respublikasi Prezidenti I.A.Karimov, olimlarimizdan: A.Ibrohimov, H.Sultonov, N.Jo`rayevlarning asarlarida o`zining ilmiy talqinini topdi.
Faylasuf olimlar E.Yusupov, J.Tulenov, A.Jalolov, Q.Nazarovlar o`z izlanishlarida vatanning oliy qadriyat ekanligini falsafiy jihatdan asoslash bilan birga, shaxsni shakllantirishda milliy va umuminsoniy qadriyatlarning ahamiyatiga alohida to`xtalib o`tganlar.
Yoshlarni vatanparvarlik, harbiy vatanparvarlik, milliy qadriyatlarga hurmat ruhida tarbiyalashga qaratilgan qator ishlarda muammoning pedagogik talqini bayon etilgan bo`lib, S.Nishonova, O.Musurmonova, U.Mahkamov kabi ko`plab olimlarning ilmiy tadqiqotlari shu jihatdan e’tiborga loyiqdir.
Yosh avlodni vatanparvarlik ruhida tarbiyalashda milliy-madaniy qadriyatlardan foydalanish, o`quvchilar ma’naviyatini boyitishning tarbiyaviy texnologiyalarini yoritishga qaratilgan tadqiqotlar rus olimlaridan G.K.Selevko, M.Ignatkina tomonidan amalga oshirilgan bo`lib, mazkur ishlarda milliy-ma’naviy qadriyatlar yoshlarda vatanparvarlikni tarbiyalashning asosiy omili sifatida o`rganilgan, tarbiyaviy ishlar jarayonida muayyan maqsadga qaratilgan tehnologiyalardan foydalanish yo’zasidan amaliy yo`l-yo`riqlar taqdim etilgan.