Педагогика 5111800 Мактабгача таълим

е) мудиранинг халқ таълими бўлинмалари, ота-оналар, жамоат олдидаги ҳисобдорлиги.
Мактабгача таълим муассасасининг мудири амалдаги қонунчилик доирасидаги мактабгача таълим муассасаси педагог ходимлари ва маъмуриятини, уларнинг касб-кор ва мансаб фаолиятларига асоссиз аралашувига чек қўювчи зарур чоралар кўради; мактабгача таълим муассасаси жамоасига нисбатан маъмурий-буйруқбозлик уринишларига, унинг мустақиллигини чекловчи буйруқларга чек қўяди, шу масалалар бўйича тегишли органларга мурожаат қилади.
Мудира ишонч қоғозисиз мактабгача таълим муассасаси номидан ҳаракат қилади, барча ширкат ва жамоат корхоналари, муассасалар ва ташкилотларида унинг манфаатини ҳимоя қилади; кредитлар тарқатади; шартномалар тузади, ишонч қоғозларини беради, банкларда ва бошқа ҳисобларини очади; мактабгача таълим муассасаси учун зарур бўлган жиҳозлар ва бошқа моддий ресурсларни хоҳлаган корхоналардан, ташкилотлардан, ширкатлардан ва айрим шахслардан нақд пулга ёки пул ўтказиш йўли билан ижарага олиш ва буюртма бериш ҳуқуқига эга.
Мудира мактабгача таълим муассасаси ҳуқуқи доирасида буйруқ чиқаради, кўрсатма беради. Бу буйруқ ва кўрсатмалар мактабгача таълим муассасасининг барча ходимлари учун мажбурийдир. Тарбиячи-методист, катта медицина хамшираси, хўжалик мудирининг ўз ҳуқуқлари доирасида берган кўрсатмалари барча ходимлар учун мажбурийдир.
Мактабгача таълим муассасасининг шахсий таркиби қуйидагилардан иборат: Маъмурий гуруҳ (мудир, тарбиячи-методист, хўжилик мудири, катта медицина хамшираси), педагогика, медицина, хизмат кўрсатиш тармоқлари ходимлари.
Мактабгача таълим муассасаси маъмурияти ҳар бир таркибий бирликка тегишли моддий ресурсларни беркитади. Меҳнат жамоаси ваколатини амалга оширишнинг асосий шакли умумий йиғилишидир.
Мактабгача таълим муассасасининг умумий йиғилиши:

• 
  мактабгача таълим муассасасининг Уставини кўриб чиқади ва қабул қилади;
  
• 
  мактабгача таълим муассасаси кенгашини тузиш зарурини аниқлайди, кенгаш таркибини ва унинг раисини сайлайди;
  
• 
  йиллик ва истиқбол режаларни муҳокама қилади, тасдиқлайди, унинг бажарилиши ҳақида маъмурият ҳисоботини эшитади, педагогик ва хизмат кўрсатиш меҳнатининг самарадорлигини ошириш йўлларини белгилайди;
  

Жамоа шартномасини муҳокама қилади ва касаба уюшмаси қўмитасига тақдим этади.