Pedagogik-psixologik xususiyatlaR (Tarbiyachilar uchun uslubiy qo`llanma) Qo`qon 2021

O`yinning shartlari: «Burgut» faqat eng keyingi «Jo`ja»ni ushlaydi. O`yin davomida burgut va onaboshini almashtirib turish mumkin. Asirlikdan ozod bo`lgan jo`ja qatorning istagan joyida tura oladi.

«Kosa, kosa, ne kosa»

O`yinning borishi: bu o`yinda bolalar teng ikki guruhga bo`linib, bir-birlariga paralel holda tizilib o`tirishadi va har ikki guruhdan guruh boshlig`i saylanadi. Har ikki guruh boshlig`i guruhidagi o`quvchilarga narigi guruhga eshittirmasdan nom qo`yib chiqadi. Masalan, gullarning nomini qo`yishi: atirgul, rayhon, gulsapsar, karnaygul, nomozshomgul va boshqa gullar nomi bilan atashi mumkin. Birinchi guruh boshlig`i narigi guruhdagi bir bolaining ko`zini bog`lab turadi, so`ng o`z guruhining bir bolasi nomini, ya’ni masalan: «Atirgul»ni chaqiradi, «Atirgul» esa ko`zi bog`langan bolani chertib ketadi. Bola borib joyiga o`tirgach, bolalar «Kosa, kosa ne kosa» deb baqirishadi. Keyin ko`zi bog`langan bola chertib ketgan bolani topsa, uni o`z guruhiga oladi, topolmasa, o`zi o`sha guruhga qo`shilishi kerak. Bu o`yin o`quvchilar qolmaguncha davom etadi. Yutib olgan guruh g`olib hisoblanadi.