Pedagogik mahorat fanidan oraliq nazorat savollari Pedagogik texnika va uning tarkibiy qismlari

Rus pedagogikasida o’qituvchilik mahorati masalalari.
A.I.Gersen, L.N.Tolstoy, I.G.Chernishevskiy, K.D.Ushinskiy kabi rus pedagog olimlari g'arb mutafakkirlari g'oyalarining vorislari sifatida mazkur muammolarga o'z mulohazalarini bildirganlar.I.A.Gersen mulohazalariga ko'ra, o'qituvchining asosiy xislati-bu, uning bolalar bilan munosabatda bo'layotganligini sezishda, bolalar ruhiy dunyosini tushuna olishida, axloqiy qobiliyatining mavjudligida, chunki u shunday iste'dodga ega bo'lmog'i zarurki, unga har qaysi o'qituvchi erisha olmaydi.
K.D.Ushinskiy ta'lim-tarbiya jarayonida o'qituvchining roli va shaxsiga yuqori baho berib, o'qituvchi kasbiga oid ilmiy mulohazalarida hech bir qonun yoki programma ta'lim-tarbiya to'g'risidagi metod yoki tamoyillar o'qituvchi shaxsining pedagogik faoliyatdagi mahorati o'rnini bosa olmaydi deb hisoblaydi.K.D.Ushinskiy o'qituvchi ma'naviyati va kasbiy faoliyatida doimiy ravishda malakalarini oshirib, takomillashtirib borish maqsadga muvofiq ekanligi to'g'risidagi g'oyani ilgari surdi. Mazkur g'oyaning ijtimoiy ahamiyatini tasdiqlovchi tizim- o'qituvchilarni qayta tayyorlovchi kurslar tizimini tashkil etishni u ilk bor asoslab berdi.
A.S.Makarenko o'z asarlarida o'qituvchining hech bir kasbga o'xshamaydigan kasbiy faoliyatini yuksak baholab, " Tarbiyachi tashkil etishni, yurishni, hazillashishni, quvnoq va jahldor bo'lishni bilishi lozim, u o'zini shunday tutishi kerakki, uning har bir harakati, yurish-turishi, kiyinishi bolalarni tarbiyalasin!"-deb yozgan edi.
L.N.Tolstoy ta'kidlashicha, "Agar o'qituvchi faqat ishiga havas qo'ygan bo'lsa, u yaxshi o'qituvchi bo'ladi. Agar o'qituvchi bolaga faqat otasi va onasi kabi havas qo'ygan bo'lsa, u oldingi o'qituvchidan yaxshiroq bo'ladi. Bordiyu, ikkala xislatni ham o'zida mujassamlashtirsa, u holda u mukammal va mahoratli o'qituvchi bo'la oladi".