Pedagogik keyslar

Manba: Oliy ta’lim muassasalari nizomi.


Talabalar uchun ko‘rsatmalar:
1.Keys mohiyatini yetarlicha anglab oling.
2. Muammoning yechimini topishga xizmat qiluvchi omillarni aniqlang.
3.Ana shu omillar asosida yechimni asoslashga harakat qiling.
4.O‘z fikringizni bayon eting.
Keysni yechish jarayoni:
1.Tinglovchilar keys mohiyatini u bilan tanishish orqali kichik guruhda muhokama qiladilar.
2. Tinglovchi kichik guruh a’zolari bilan hamkorlikda muammoni hal etishga zamin tayyorlaydigan omillarni aniqlaydi.
3. Muammoni hal etishga imkon beradigan omillardan eng muhimlari ajratib olinadi.
4. Kichik guruh a’zolari umumiy fikr asosida eng muhim omillarni bayon etadi.
5. Kichik guruhlarning fikrlari tahlil etiladi va umumiy xulosa yasaladi.
Muammoning yechimi:
Har qanday xatolikka jazo berishdan oldin ogohlantiriladi. Ogohlantirishsiz bunday xatti-harakat pedagok uchun xos emas. Darsni tayyorlamaydigan, beparvo talaba bo‘lganda ham bu usul mutlaqo xato. Keskin choralar o‘qituvchiga nisbatan nafrat uyg‘otadi, shuning uchun mulohazakorlik bilan masalaga yechim topish kerak.
3-keys. 2-kurs talabasi Mahmudova Sevara oilaviy sharoiti tufayli qo‘shimcha ishlashga majbur bo‘ldi. Universitet yaqinidagi maktabga ishga kirdi, lekin maktab bir smenali bo‘lgani uchun dars vaqtiga teng kelib qoldi. Maktab rahbari imkon qadar tushunib darsi bo‘shroq vaqtga to‘g‘irlab berdi. Shunda ham 2-3 darsiga parallel keldi. Talaba sharoitini fan o‘qituvchilariga tushuntirdi: darslarni qo‘shimcha tarzda topshirishga imkon so‘radi, chunki darslar tugashiga oz qolgandi. Buni o‘qituvchilar tushundi, lekin biri hurmatsizlik bilib, tanaffusda talabalar oldida zalda juda qattiq tanbeh berdi. Natijada darsni qanchalik puxta o‘zlashtirmasin, darsda uch para o‘tirmagan deb “4” baho qo‘yib berdi. Baholar iqtisodiy tomondan ham ta’sir qilib, qo‘shimcha ishlayman deb doimiy “5” bahoga yopayotgan talabaga zarar bo‘ldi.
Savollar:

1. 
   Muammo nimadan iborat?
   
2. 
   Mazkur muammoni hal etish uchun kimlarning yordami kerak?
   
3. 
   Siz bu muammoga qanday yechimlar taklif qilasiz?