Педагогик институтлари учун дарслик

Информатика курсининг

ўқув-методик ва дастурий таъминоти

Информатика курсининг ўқув-методик таъминоти

Ўқув-методик таъминот соҳасида информатика ўқитиш услубиёти ўз олдига ўқувчилар учун қизиқарли дарсликлар ва ўқув қўлланмаларини, ўқитувчилар учун эса услубий ишланмаларни яратишни мақсад қилиб қўяди.

Ўқув-услубий таъминот ўқув дастурлари, дарсликлар, ўқув ва услубий қўлланмаларни ўз ичига олади. Бунда асосий ўрин дарслик ва ўқув қўлланмаларига ажратилган. Қолган ўқув-услубий таъминот асосий дарслик билан яқиндан боғланган бўлиб, дарсликдаги ғояларни тушунтириш ва ривожлантиришга хизмат қилиши лозим.
Ўқув-услубий таъминот таркибига даврий нашрлардаги, олий ва ўрта махсус таълим ва халқ таълими вазирликлар нашрларидаги услубий материалларни ва меъёрий ҳужжатларни киритиш мумкин.
Ўқув-услубий таъминотнинг ҳозирги даврдаги муҳим компаненти бу, электрон ўқув-услубий материаллардир.
Ўзбекистон Республикасида ўқув жараёнида электрон дарсликлар кенг қўлланилмоқда. Ўқув-услубий адабиётларнинг янги авлодини яратиш концепцияси, анъанавий материаллардан фойдаланишдан ташқари, қуйидаги электрон ўқув-услубий материалларни ишлаб чиқишни назарда тутади.

• 
  электрон маълумотномалар;
  
• 
  электрон ўқув қўлланмалар;
  
• 
  электрон дарсликлар;
  
• 
  электрон энциклопедиялар;
  
• 
  электрон плакатлар
  
• 
  электрон лаборатория ишлари
  

ва ҳоказо.
Информатика курсининг дастурий таъминоти.

Дастурий таъминот соҳасида информатика ўқитиш услубиёти янги дастурий маҳсулотни ишлаб чиқишни у ёки бу маълум дастурий маҳсулотдан фойдаланиш мақсадга мувофиқлигини асослаб беради. Информатика курсининг дастурий таъминоти компьютерларнинг базавий(таянч) дастурий таъминоти ва информатика курсининг маълум бир мавзуларини ўрганишга ёрдам берадиган педагогик дастурий воситалар (ПДВ) комплексидан ташкил топади.