Педагогик институтлари учун дарслик

АХБОРОТ ВА ЖАМИЯТ
мавзусини ўқитиш методикаси

• 
  Ахборот хакида тушунча
  
• 
  Ахборот жараёнлар
  
• 
  Информатика фани нимани урганади
  
• 
  Ахборот жамият ҳақида тушунча
  
• 
  Ахборот технологиялари ҳақида тушунча
  
• 
  Ахборот технологияларининг кулланиш сохалари
  
• 
  Ватанимизда информатика фанининг тараққиёти
  

Берилган мавзуни ўрганишдан асосий мақсад – ўқувчиларда ахборот ҳақида тушунча ҳосил қилиш, ҳар қандай ахборий жараёнларни аниқлаб олишни ўргатиш, жамиятни ривожлантиришда ахборотнинг тутган ўрнини ва "Информатика" фанининг аҳамиятини кўрсатишдан иборатдир.

Бу мавзу информатика предметини ўрганишдаги биринчи мавзу ҳисобланади. Шунинг учун биринчи дарснинг бошланғич қисми ташкилий масалалар ва информатика хонасидаги техник ва ёнғин хавфсизлиги масалаларига бағишланиши мақсадга мувофиқдир.
Шундан сўнг ўқитувчи мисолларга асосланган ҳолда маълумот, ахборот нима эканлигини, информатика нимани ўрганишини ва нима учун ушбу предмет ўрганилиши зарурлигини, жамиятни ривожлантиришда ахборотнинг ва информатиканинг ўрни ва аҳамиятини ўқувчиларга етказиши, ўқувчилар томонидан эса ўзлаштириб олинишига эришиш лозим.
Биринчи дарс қизиқарли бўлиши ва ўқувчиларни зериктириб қўймаслиги учун ўқитувчи ушбу дарсга пухта тайёргарлик кўриши лозим. Имкон қадар оз вақт ичида асосий мақсадни ва бош вазифаларни кўрсатиш, шу билан бирга дарсни ортиқча маълумотлар билан банд қилмаслик зарур.
Ушбу мавзу бўйича дарс соатларини қуйидагича тақсимлаш тавсия этилади:

№	Дарс мавзуси	Маъруза
1.	Ахборот. Ахборий жараёнлар. Информатика фани.	2 соат
2.	Ахборотлашган жамият. Жамиятни ривожлантиришда информатиканинг ўрни.	2 соат
Жами:		4 соат