Pedagogik innovatsiyalar

O‘quv dasturi umumiy talablari

Dastur nomi	Kasbiy faoliyatda kimyo
Ajratilgan soat	40
Mavzular soni	5
Dasturning maqsadi	Texnikumlarda kimyo fanini o‘qitishdan asosiy maqsad – kimyo fanidan ta’lim berish mazmunini qishloq xo‘jaligi sohasidagi zaruriyatlar va ushbu sohadagi mutaxassislarning kundalik talabidan kelib chiqib, mavjud muammolarni yechishga makksimal yaqinlashtirishdan iboratdir. Talabalarda, kimyo faniga na faqat o‘quv predmeti sifatida qishiqishni balki, qishloq xo‘jaligiga bo‘lgan ilmiy asosni shakllantirish va rivojlantirish, ya’ni hodisa va jarayonlarni kimyo qonunlari nuqtai nazaridan tahlil qilishni o‘rgatish. Kimyo fanining mohiyati kimyoviy moddalarni qishloq xo‘jaligida va shu bilan birga shaxsiy tomorqalarda foydalanishning asosiy yo‘nalishlarini sirini – ma’nosini ochishdan iborat. Organik moddalarning asosiy sinflarining xossalari, kimyoviy moddalarni tahlil qilish usullari, kimyoviy termodinamika asoslari, fazolararo muvozanat, dispers sistemalar va sirt hodisalarini hamda qishloq xo‘jaligida mineral o‘g‘itlar, o‘simliklarni himoya qilishning kimyoviy vositalari, ularning o‘sishi, tartibga soluvchi moddalar, hayvonlar ozig‘iga qo‘shiladigan kimyoviy moddalar, oziq konservantlar va ko‘pchilik polemir materiallarni o‘rgatishdan iborat.
O‘zlashtirish (o‘qitish) natijalari	“Kimyo” fani talabalar bilimlarini chuqurlashtirish natijasida talabalarni modda (atom va molekula) tuzilishiga doir nazariyalarni egallashga, anorganik, analitik, organik, fizik, polemirlar va kalloid kimyoning muhim vazifalarini o‘zlashtirishga yo‘naltiradi. Kimyo usullarining nazariy asoslarini keng miqiyosda o‘rganish, asosan yangi analiz usullarini izlash hamda hozirgi zamon fani va texnika yutuqlarini qo‘llash muhim o‘rin tutadi. Kimyoning rivojlanish tarixi, ilmiy va amaliy yutuqlari, kelajakda hal qilinishi lozim bo‘lgan nazariy va amaliy asoslari bilan talabalarni tanishtirish va ularda kimyo faniga qiziqish uyg‘otish hamda uning yutuqlaridan foydalanishni yulga qo‘yish fanning asosiy maqsadi hisoblanadi.