Педагогик инновациялар, касб-ҳунар таълими бошқарув ҳамда педагог кадрларини қайта тайёрлаш ва уларнинг малакасини ошириш институти

Тадқиқот вазифалари:
Инноваторлик ва инновацион технологиялар тушунчаларининг мазмуни, касбий фаолиятга тайёрлаш даражасининг педагогик-психологик хусусиятлари ва омилларини аниқлаштириш;
инновацион таълим технологияларининг ўзига хосликлари ва қўлланилиш соҳаларини аниқлаштириш;
“Инновацион таълим методлари ва технологиялари” ўқув фанини ўқитиш методикасини такомиллаштириш ва дидактик таъминотини ишлаб чиқиш;
интерфаол ўқитиш методлари ва технологиялари воситасида ўқувчиларни касбий фаолиятга тайёрлашнинг интеграллашган методик тизимини такомиллаштириш;
ўқувчиларда инновацион ўқитиш методлари ва технологиялари воситасида касбий фаолиятга тайёрлик даражаси ва унинг самарадорлигини баҳолаш.
Тадқиқот объекти педагогика коллежларида ўқувчиларни касбий фаолиятга тайёрлаш жараёни.
Тадқиқот предмети педагогика коллежи ўқувчиларни инновацион таълим методларидан фойдаланиб касбий фаолиятга тайёрлаш шакллари, методлари ва воситалари.
Тадқиқотнинг усуллари. Тадқиқот ишида мавзуга оид педагогик, психологик адабиётлар, илмий манбалар, ўқув-меъёрий ҳужжатлар, ўқув режа ва дастурларни қиёсий ўрганиш ва таҳлил қилиш, кузатув, суҳбат, тест, ўз-ўзини баҳолаш сўрови, педагогик тажриба-синов, тадқиқот натижаларини математик-статистик қайта ишлаш методларидан фойдаланилди.
Тадқиқотнинг илмий янгилиги қуйидагилардан иборат:
педагогика коллежларида бўлажак мутахассисларни инновацион таълим методлари асосида касбий тайёрлаш босқичлари педагогик фаолиятга йўналганликнинг интеграл таҳлил ёндашуви (мотивацион, диагностик, квалиметрик) асосида такомиллаштирилган;
инновацион таълим технологияларининг функциялари, инновацион таълим технологияларининг турлари ва касбий фаолиятга йўналтириб қўлланилиш соҳаларини аниқлаштириш асосида таълим олувчиларнинг барчасини жалб этиш, мотивация қилиш, ижодий тафаккурни ривожлантириш имкониятлари аниқлаштирилган;
“Инновацион таълим технологиялари ва методлари” фанини самарали ўқитиш орқали ўқувчиларда новаторилик қобилиятларини ривожлантиришнинг соҳага йўналтирилган методик таъминоти Попс формула, Кайдзен технологияларини киритиш асосида ишлаб чиқилган;
педагогик жараённи самарали ташкил этишга қаратилган амалий ўйинлар, муаммоли ўқитиш, интерфаол таълим, blended learning (аралаш ўқитиш), case study (кейс стади), маҳорат дарслари каби инновацион таълим технологиялари асосида ўқувчиларни касбий фаолиятга тайёрлашнинг интеграллашган методик тизими такомиллаштирилган;