Pedagogik faoliyatda innovatsion texnologiyalardan foydalanish dars rejasi

Texnologik xarita

• 
  Darsning oldindan loyihasi, ya`ni texnologik xaritasi tuziladi. Texnologik xarita tuzish uchun o‘qituvchi darsning har bir bosqichida amalga oshiriladigan ishlar, ularda o‘qituvchining pedagogik va o‘quvchilarning o‘quv bilish faoliyatini tashkil etish, boshqarish va faollashtirish yo‘llari, teskari aloqani amalga oshirish, ularga ajratilgan vaqtni aniq belgilash lozim.
  

• 
  Texnologik xaritada albatta tashkiliy qism, yangi mavzuning motivatsiyasi, o‘quvchilar bilimini tekshirish, yangi mavzuni o‘rganish va uni mustahkamlash, erishilgan natijalarni tahlil qilish va yakun yasash kabi bosqichlari bo‘ladi. Bunda o‘qituvchi va o‘quvchining dars davomida bajaradigan ishlari bosqichma-bosqich qayd etiladi. Dars texnologik xaritasining mukammal tuzilishi, maqsad va vazifalarini amalga oshirish, samaradorlikka erishish va bosqichlar o‘rtasidagi uzviylikni ta`minlash, vaqtdan unumli foydalanish imkonini beradi.
  

Innovatsion texnologiyalardan foydalanishda o’qituvchiga quyidagi bilimlarni bilish taqozo etiladi:

- AKT bo’yicha bilim, ko’nikma va malakaga ega bo’lish;

-YaPT (yangi pedagogik texnologiya) bo’yicha xorijiy tajribalardan boxabar bo’lish;

- Ta’lim jarayonini tashkil etishda didaktik o’yinlardan, interfaol usullardan

foydalanish mahorati;

-Ilg’or pedagogik texnologiya bo’yicha bilimlarni o’zlashtirib borish;

-Bilimlarni ko’nikma va malakalarga aylantirish texnologiyasi shakllangan bo’lishi;

-Dars jarayonida harakatli o’yinlardan unumli foydalana bilishi;

-Imkoni bo’lsa darsni internet tarmog’iga bog’lab o’ta bilishi;

-O’z ustida tinmay ishlashi, har soxaga oid yangiliklarni kuzatib borishi va boshqalar.

• 
  Innovatsion jarayonda o'qituvchining pozitsiyasi qanday? Albatta, pedagogik faoliyat asosan ijodiy faoliyatdir. Har qanday ijodiy faoliyat samarali faoliyat, ya'ni yangisini yaratishga, obyektiv ravishda yangi yoki subyektiv ravishda yangi natijaga erishishga qaratilgan faoliyat sifatida qaraladi. O'qituvchi innovatsion jarayonda muallif, dasturchi, tadqiqotchi, foydalanuvchi, yangi pedagogik texnologiyalar, nazariyalar, tushunchalarni targ'ib qiluvchi sifatida harakat qilishi mumkin. Ta'limdagi innovatsion jarayonlar to'g'risidagi bilimlar, bu bilimlarni o'z faoliyatini baholashda qo'llash qobiliyati o'qituvchiga pedagogik ijodda, kasbiy va pedagogik madaniyatni o'zlashtirishda, o'zini takomillashtirishda keng imkoniyatlarni namoyon etish uchun asos yaratadi.
  

• 
  Ta’limda innovatsion texnologiya XX asrning oxirlarida deyarli barcha rivojlangan mamlakatlarda tez tarqalib, nufuzli YUNESKO tashkiloti tomonidan ham tan olindi va qo’llab- quvvatlandi. Hozirda ko’pgina mamalakatlarda muvoffaqiyatli qo’llanilib kelinmoqda. Ko’pgina mamlakatlar innovatsion texnologiyadan foydalanib, ta`lim-tarbiya tizimini rivojlantirishda, o’quvchilar o’zlashtirishini oshirishda sezilarli yutuqlarga erishdilar.