Pedagogik amaliyot davrida yozgan hisobot daftari

INFORMATIKA” FANIDAN

Davlat Ta’lim Standarti

 

1. INFORMATIKA FANIDAN UMUMIY O'RTA TA'LIMNING DAVLAT TA'LIM STANDARTI.

O’quvchilar informatikaga oid quyidagi bilim, ko’nikma va malaka elementlarini egallashlari shart :

• 
  informatika, kompyuterlar, axborot texnologiyalari, axborot kommunikatsiyalariga oid eng asosiy tushunchalarni bilish;
  
• 
  axborotlarni qayta ishlashga oid asosiy amallar, usullarni bilish, konkret vaziyatda qo’llay olish;
  
• 
  zamonaviy axborot texnologiyalariga aloqador eng asosiy dastur va texnik vositalar bilan ishlay olish;
  
• 
  zamonaviy kompyuterlar arxitekturasi, ish mexanizmi va pritsiplarini bilish;
  
• 
  algoritmlash asoslarini bilish;
  
• 
  kompyuterda masalalar yechish bosqichlari haqida aniq tasavvurga ega bo’lish va bu jarayonni tahlil etish elementlarini bilish;
  
• 
  zamonaviy axborot texnologiyalari va tarmoqlarining jamiyatimiz taraqqiyotidagi istiqbollari haqida tasavvurga ega bo’lish;
  
• 
  dasturlash asoslarini bilish;
  
• 
  kompyuter savodxoni va mustaqil foydalanuvchi talablariga javob berish;
  
• 
  turli axborot manba’laridan(Internet yoki boshqa) foydalana olish;
  
• 
  davlatimizda ushbu sohaga(axborot texnologiyalariga) oid qabul qilingan farmon, qaror va qonunlar haqida ma’lumotga ega bo’lish;
  
• 
  keyingi ta’lim bosqichida va hayotda uchraydigan o’quv yoki boshqa xildagi masalalarni yechish uchun axborot texnologiyalarini tatbiq etish haqida asos bo’luvchi tasavvurga ega bo’lish.
  

 

 

O’QUVCHILARNING TAYYORGARLIK DARAJASIGA QO’YILADIGAN ZARURIY TALABLAR.

 
        O’quvchilar quyidagi bilimlarga ega bo’lishlari zarur: Kompyuterda ishlashda texnika xavfsizligi qoidalarini bilish. Kompyuterning asosiy qurilmalarini va ularning vazifalarini bilish. Klaviaturadan foydalana olish ( katta va kichik harflarni, sonlarni, maxsus belgilarni kirita olish). Sichqonchadan foydalana olish. Kompyuterdagi kalkulyator dasturidan foydalana olish. Grafik muharrirda sodda rasmlar hosil qila olish. O’yin dasturlaridan foydalana olish. Windows oynasi ustida amallar (ochish, yopish, siljitish, o’lchamlarini o’zgartirish…) bajarish.
 
        Quyidagi ko’nikmalarni egallashlari zarur: Kompyuterni elektr mabaiga to’g’ri ulash va o’chirish. Klaviatura va sichqoncha bilan ishlash ko’nikmalarini hosil qilish. Sichqoncha bilan ishlash jarayonida Windows muhitiga ilk qadam qo’yish: Windows oynasi ustida amallar (ochish, yopish, siljitish, o’lchamlarini o’zgartirish…) bajarish. Fikrlashni rivojlantirishga va kompyuter qurilmalari (klaviatura, sichqoncha) bilan ishlash ko’nikmalarini chuqurlashtirishga yo’naltirilgan kompyuter o’yinlari orqali o’quvchilarning mantiqiy fikrlash qobiliyatini shakllantirish.
 
        Quyidagi malakalarga ega bo’lishlari lozim: Kompyuterning qo’shimcha qurilmalarini bilish va ishlata olish. Grafik muharrirda sodda rasmlar hosil qilish. Windows oynasi ustida amallarni bajarish. Sichqonchadan foydalanib kompyuter o’yinlarini ishlata olish.