Payvandlash jihozlari

Kompression usullar.
Gidravlik sinovlar. Tekshirishning bu usulida payvand buyum (idish) suvga to‘ldiriladi. Shundan keyin nasos yoki gidravlik press bilan ish bosimidan 1,25 marta va undan ortiq bosim hosil qilinadi.
Gidravlik sinash usuli, tutib turish vaqti, bosim kattaligi va yo‘l qo‘yiladigan oqish tekshiriladigan obyekt uchun belgilan- gan texnik shartlarda ko‘rsatiladi. Gidravlik sinashlar bosim os- tida ishlaydigan bug‘ va suv qozonlari, quvurlar va idishlarning mustahkamligini hamda zichligini tekshirishda bajariladi.
Pufakli usul. Bunday sinash idish va quvurlarning ish bosimida germetikligini tekshirishda qo‘llaniladi. Payvand birikmalarning zichligi sovun eritmasi yoki idishga quyilgan suvga botirib tek- shiriladi. Gaz o‘tadigan joylarda havo pufakchalari hosil bo‘ladi.
Manometrik usul sosudlarda tirqish nuqsonlar mavjudligini si- nov bosimi o‘zgarishi oqibatida aniqlash asosida topiladi. Odatda sinov bosimi 1,0 — 1,2 ishchi bosimni tashkil etadi.
Kimyoviy usul indikator moddalarga ammiakning kimyoviy o‘zaro ta’sirlashishiga asoslangan. Ammiak yordamida tekshirish quyidagicha bajariladi. Idishga (buyumga) ish bosimigacha si- qilgan havo beriladi va unga normal bosimdagi idish ichidagi havo hajmining 1% miqdorida ammiak aralashtiriladi. Payvand choklar simob nitratining suvdagi 5% li eritmasi shimdirilgan filtr qog‘ozi yoki bint bilan o‘rab qo‘yiladi. Nuqsonlar bo‘lsa, simob nitrati ammiak bilan ta’sirlanib, qog‘ozda qora dog‘ hosil qiladi.
Galoid vositasida tekshirishda freon-12 gazidan (ftorning ga- loid elementi asosida tayyorlangan gaz) foydalanadi, gaz idishdagi teshikdan chiqayotganda strelkali pribor (qo‘lda ko‘tarib yuriladi- gan ГТИ-6 galoidli teshik izlagichi va boshqalar)da qayd qilina- di.
Geliyli usul geliy mavjudligida o‘zgarayotgan mass-spektrometr- da simning qizish elektr qarshiligini o‘lchash asosida amalga oshiriladi. Qarshilikni o‘lchash xuddi shunday simni (havoda joylashtirib) qizdirish natijasida solishtirish bilan o‘lchanadi.