Payariq tuman xalq ta’limi bo‘limiga qarashli 1- umumta’lim maktab direktorining buyrug’i xalq ta’limi tizimida ma’naviy-ma’rifiy ishlar tizimini tubdan takomillashtirish

Tuman xalq ta’limi boʻlimining Ma’naviyat va ma’rifat

Kengashi tarkibi

	U.Turgunbayev	-	Tuman xalq ta’limi bo‘limi mudiri, Kengash raisi
	Sh.Uralbayev	-	Tuman xalq ta’limi bo‘limi mudiri o‘rinbosari, Kengash raisi o‘rinbosari
	O.Ochilov	-	Ma’naviy-axloqiy tarbiya va bolalarni ijtimoiy himoyalash sho‘ba rahbari, Kengash mas’ul kotibi
A’zolar:
	A.Rahimov	-	Ma’naviy-axloqiy tarbiya va bolalarni ijtimoiy himoyalash sho‘ba mutaxassisi
	I.Saydullayev	-	Kadrlar bilan ishlash boʻlimi bosh inspektori
	A.Norboyev	-	Kadrlar bilan ishlash boʻlimi mutaxassisi
	O.Tursunbayev		Boʻlim metodisti
	Sh.Qarshiyev	-	Boʻlim metodisti
	N.Aqmirzayev	-	Bo’limning matbuot kotibi
	Z.Ochilov	-	Boʻlim yuriskonsulti
	J.Qayimov	-	Pedagogik-psixologik tashxis faoliyatinitashkil etish shoʻba rahbari

Izoh: Ishchi guruh a’zolari boshqa ishga o‘tgan taqdirda, uning tarkibiga ushbu lavozimga yangi tayinlangan yoki zimmasiga tegishli funksiyalarni bajarish yuklangan shaxslar kiritiladi.

Tuman xalq ta’limi boʻlimining

2021-yil ________-fevraldagi

________-sonli buyrug‘iga

2-ILOVA

O‘zbekiston Respublikasi Xalq ta’limivazirligining

Ma’naviyat va ma’rifat kengashi

NIZOMI
Ibob. Umumiyqoidalar
1. Xalq ta’limi vazirligining Ma’naviyat va ma’rifat kengashi (keyingi o‘rinlarda Kengash deb yuritiladi) mustaqil, o‘z ishini jamoatchilik asosida olib boradigan, doimiy faoliyat yurituvchi maslahat-kengash organi hisoblanib, ma’naviy, ma’rifiy, madaniy va boshqa ijtimoiy foydali maqsadlarni ko‘zlaydi. Kengash Xalq ta’limi vazirligining markaziy apparati huzurida vazirning buyrug‘i bilan tashkil etiladi va uning faoliyati mazkur davlat organining barcha hududiy bo‘linmalari hamda tasarrufidagi tashkilotlariga tatbiq etiladi.

2. Kengash jamoatchilik asosida ma’naviy-ma’rifiy va tarbiyaviy ishlar hamda umumiy o‘rta ta’limni samarali tashkil etishda ko‘maklashish uchun tashkil etiladi. Kengash yuridik shaxs hisoblanmaydi.

3. Kengash o‘zfaoliyatida O‘zbekiston Respublikasining  Konstitutsiyasi 
va qonunlariga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining Farmonlari, qarorlari va farmoyishlariga,
O‘zbekiston Respublikasi Vazirlar Mahkamasining qarorlari va farmoyishlariga, Xalq ta’limi vazirligining buyruqlari va mazkur Nizomga hamda boshqa qonunhujjatlariga amal qiladi.

4. Kengash to‘g‘risidagi nizom va unga kiritiladigan o‘zgartishlar hamda qo‘shimchalar Xalq ta’limi vazirining buyrug‘i bilan tasdiqlanadi.

5. Kengash jamoatchilik asosida unda faoliyat yuritayotgan a’zolardan tashkil topib, ular tomonidan o‘quvchilarning ma’naviy-axloqiy tarbiyasi va mafkuraviy immuniteti, pedagogik jamoadagi ijtimoiy-ma’naviy muhit va mas’ul xodimlarning ma’naviy qiyofasi masalalari muhokama etib boriladi.

6. Kengash o‘z maqomiga ko‘ra, xalq ta’limi tizimining barcha bosqichlari va muassasalarida azaliy ma’naviy qadriyatlarimizni, milliy tarbiyaviy merosimiz va an’analarimizni, ajdodlarimizning tarbiya sohasida erishgan ilg‘or tajribalarini hamda zamonaviy tarbiya texnologiyalarini uyg‘unlashtirish va ommalashtirish, yoshlar tarbiyasi masalalari bo‘yicha mas’uliyatini, faolligini kuchaytirishga qaratilgan tadbirlarni tashkil etilishini nazorat qiladi.

7. Kengashning to‘liq rasmiy nomi: O‘zbekiston Respublikasi Xalq ta’limi vazirligining Ma’naviyat va ma’rifat kengashi.

8. Kengash faoliyatining muddati cheklanmagan.