1. Frontal (yoppasiga).
2. Oqim usuli.
3. Guruh usuli.
4.Yakkama - yakka ishlash.(almashish)
5. Mashqlarni shaxsan bajarish usuli.
Yoppasiga usuli- ko’proq 1-2 kichik guruhlarda qo’llanilib asosiy harakatni hamma bolalarga bir vaqtda bir mashqni takrorlashdan iborat bo’ladi. Tarbiyachi vaqtni tejashga yordam beradi,guruh honasida hamma bolalar bilan birgalikda yurish “lolaxon xuzuriga mehmonga”, yoki “quyonchalardek sakraymiz”, “kaltakni yerga urish va ilib olish” kabi mashqlar birgalikda bajariladi.
Oqim usuli – bitta mashqni to’xtamasdan bir qator bo’lib kelib, galma-gal bajarishdan iboratdir. Bu usul tarbiyachiga mashqlarni shaxsan bajarilishini kuzatish imkonini beradi. Harakatlarni o’rganish va takomillashtirishvaqtida bu usul qo’llaniladi. O’quv asboblarning soniga qarab oqimlar bir nechta bo’lishi ham mumkin. Bir necha har xil turdagi mashqlar ham “Oqim”usulida bajarilishi mumkin. Ko’pincha oqim usulini malaka va ko’nikmalarni mustahkamlash va takomillashtirish, jismoniy sifatlarni tarbiyalash uchun qo’llaniladi.
Almashish usulida mashq bajarayotgan shug’ullanuvchilar bir necha guruh smenalarga bo’linib, mashqni navbatma-navbat bajaradilar. Almashish usulida tarbiyachilarning topshiriq qanday bajarilayotganini kuzatib turishi qulay bo’ladi; u bolalar diqqat-e’tiborini harakatlarning to’g’ri bo’lishiga qaratadi. Bu usul o’quv materialini o’rganish vaqtida yaxshi samara beradi.
Guruh usulida bolalarni uyushtirish vaqtida shug’ullanuvchilar guruhlarga bo’linib, har bir guruh tarbiyachining mustaqil topshirig’ini bajaradi. Mashg’ulot uchun ajratigan vaqtdan unumli foydalanish maqsadida mana shunday guruh usulidan foydalaniladi. Bu usul yuksak darajada mustaillikni, onglilikni va topshiriqni ma’suliyat bilan bajarishni, jamoada yaxshi intizom bo’lishini, tarbiyachining diqqat e’tiborini guruhlarga mohirlik bilan taqsimlashni taqozo etadi.
“Mashqlarni shaxsan bajarish” usuli mashqni har bir shug’ullanuvchi tomonidan alohida-alohida bajarilishidan iborat. Bir bola mashqni bajarayotganda qolganlar uni kuzatib turadi. Mashqni shaxsan bajarishning qimmatli tomoni shundaki, u harakat sifatini har bir kishi e'tibor bilan kuzatishiga, asosiy kamchiliklarni ko’rib turishga imkon bеradi. Mashg’ulotni istalgan usulda olib borilganida ham shaxsan bajarish usullaridan qisman bo’lsa-da, foydalanish zarur. Shug’ullanayotgan bolalarning o’zlashtirishini hisobga olish vaqtida “shaxsan bajarish” usulidan kеng foydalaniladi.
Do'stlaringiz bilan baham: |