Paxtaobod pedagogika kolleji

Reflektor mashqlar. Bola hayotining dastlabki oylaridan boshlab oyoq, qo’l va tana muskullarining rivoji uchun reflektor mashqlardan foydalaniladi, bu mashqlar uchun tovon, yelka, qo’l terilarining ta’sirlanishiga javob sifatida bajariladigan harakatlar asos qilib olingan.
Chaqaloq 2 oyligida teri muskullariga xos reflekslar asos qilib olingan mashqlardan foydalaniladi.
Birinchi mashq shundan iboratki, ona chaqaloq tovonining chetiga yaqin joyni barmog’i bilan asta bosadi, unga javoban bola oyoq barmoqlarini bukadi. Oyoq panjasi va kaftining tashqi yuzasi bosilsa, u barmoqlarini yozadi.
Keyingi mashq – reflektor emaklash. Bola qorni bilan yotadi. Ona kaftini bolaning tovoniga tiraydi, chaqaloq reflektor tarzda oyog’ini cho’zib, onaning harakatsiz turgan qo’lidan itarilib oldinga emaklagandek bo’ladi.
Hozirgi davrda, onalarga bola tug’ilgandan so’ng 2 yillik tug’ruq ta’til beriladi. Bu ta’til jarayonida onalar bola parvarishi uchun har oyda davlat tomonidan moddiy yordam beriladi. Bola ikki yoshga to’lgach bolani parvarishlash uchun onalarga yana bir yil qo’shimcha ta’til beriladi.
Yosh ota-onalar yoki guvernyorlar uchun bir yoshgacha bo’lgan bolalarga tavsiya etilgan quyidagi namuna mashqlar konspekti tavsiya etiladi.
1,5 oydan -3 oygacha bo’lgan bolalar uchun:
1. Qo’llarni silab massaj qilish.
2. Oyoqlarni silab massaj qilish.
3. Qornini silab massaj qilish.
4.Umurtqa pog’onasini refleks yo’li bilan rostlash – yozish (orqa refleksi)
5. Orqani massaj qilish. (2 oylikdan boshlab)
6. Umurtqa pog’onasi va oyoqlarni yozish (vaziyat refleksi)
7. Oyoq panjasini massaj qilish.
8. “O’yinga tushirish” (oyoq refleksi)
3 oylikdan 4 oylikkacha bo’lgan bolalar uchun namuna kompleks.
1. Qo’llarni massaj qilish, silash.
2. Qo’llarni ko’krakda chalkashtirish va yon tomonga uzatish.
3. Qornini massaj qilish – silash va uqalash.
4. Oyoqlarni massaj qilish-uqalash.
5. Boldirni halqa shaklida uqalash.
6. Chalqancha yotgan holatdan qorniga ag’darish (reflektor mashqlar)
7. Orqani massaj qilish – uqalash.
8. Umurtqa pog’onasi va oyoqlarni yozish (holat refleksi)
9. Oyoq panjasini massaj qilish – silash.