Патологик физиология

Уткир нурланиш касаллиги 
Бу касалликни клиник кечишида 4 давр фарқ қилинади: 
1. бошлангич давр ёки бирламчи реакциялар даври; 
2. яширин давр; 
3. касалликни яққол ривожланган ёки клиник ошкор аломатлар даври; 
4. касалликни окибатлари даври. 
Касаликни илк ўзгаришлар даври бевосита нурланишдан сўнг 
бошланади ва 1-2 кун давом этади. Бу даврда нерв системасининг 
қўзғалувчанлиги ортади, бош огриш, вегетатив функцияларни 
ўзгарувчанлиги, тахикардия, артериал босимини ва пульсини ўзгарувчанлиги 
кабилар ошкор килинади. Баъзида беморларда қусиш, тана ҳароратини 
кўтарилиши, қонда қисқа муддатли лейкацитоз, сўнг эса лимфоцитопения 
қайд этилади. Моддалар алмашуви тезлашади. 
Нурланиш касаллигининг 2- ва 3-куни касаллик аломатлари гўё 
йўқолгандек бўлади ва касалликни 2-даври бошланади. Бу даврада 
беморларда лимфоцитопения, тромбоцитопения ва ретикулоцитларнинг 
микдорини озайиши ошкор қилинади. Худди шу вактда капиллярларнинг 
ўтказувчанлиги ортади. Яширин даврнинг муддати нурланишнинг дозасига 
боғлиқ. Енгил нурланиш вақтида хасталик бу даврдан сўнг тузалиш томон 
ривожланади. Юксак доза билан нурланган шахсларда эса яширин давр бир 
неча соатдан бир неча ҳафтагача давом этади. Нурланиш касаллигининг 
ошкора аломатлари пайдо бўлган даври бир неча кундан 3 ҳафтагача қадар 
давом этади. Бу даврда беморнинг тана ҳарорати кўтарилади, боши огрийди, 
қусади, қон айланиш ва нерв системаларида ўзгаришлар кузатилади. Шиллиқ 
пардаларда яллигланишли жараёнлар пайдо бўлади, моддалар алмашуви, 
айниқса оқсиллари биосинтези бузилади. Қон яратувчи системасининг 
функциясини кескин заифлашуви билан алоқадор аломатлар (анемия, 
лимфоцитопения, тромбоцитопения) ошкор килинади, томирлар деворининг 
ўтказувчанлиги ортади, марказий нерв системасининг функциялари 
бузилади, терида яралар юзага келади, кўпинча туклар тўкилади. Эндокрин 
безлардан гипофизнинг, бўйрак усти безларининг, жинсий безларнинг 
фаолияти бузилади. Кўпинча ички органларга қон сизилиб чикади, шу 
туфайли балгамда, сийдик, натижасида қусиб чиқарилган массаларда қон 
аниқланади, иммунитет заифлашади. Бемор кўпинча қон йўқотиш ёки 
жараёнга инфекцион касалликни қўшилишидан ҳалок бўлади. 
81 

---

Организмни нурланиш касаллиги натижасида бузилган функциялари 
касалликни енгил ҳолларида касалланишнинг 2-3 ҳафтасидан сўнг қайтадан 
тиклана бошлайди. Бундай вақтда беморнинг умумий ҳолати яхшиланади, 
тана ҳарорати меъёрига келади, қон оқиши тўхтайди, терида юзага келган 
некрозга учраган соҳалар кўчиб тушади, тери ва шиллиқ пардалардаги 
эрозияли соҳалар согаяди, касалланиш бошланганидан 2-5 ой ўтгач терининг 
ёг ва тер безлари қайтадан фаолият қила бошлайди, туклар янгидан чикади. 
Нурланиш касаллигининг ҳамма аломатларини йўқолиши 6 ойдан 3 йилгача 
давом этади.