Патологик физиология

12.8. М И Н Е Р А Л А Л М А Ш И Н У В И Н И Н Г Б У З И Л И Ш И 
Минерал алмашинуви деб орагнизмда кўпроқ кимёвий элементлар 
шаклида бўлган ноорганик бирикма динамикасига айтилади. Ноорганик 
бирикмаларга натрий, калий, фосфор, магний киради. Бу бирикмаларнинг 
кўп қисмини электролитлар ташкил килади. Баъзи бир бошка элементлар 
318 

---

организмда камроқ микдорда бўлади. Улар сўрилгандан сўнг оксил ва бошка 
органик моддалар билан бирикади. Уларга темир, мис, рух ва 
микроэлементлар киради. 
Натрий ва калий алмашинувининг бузилиши. 
Натрий ҳужайра ташки муҳитнинг асосий катиони, у ерда унинг 
концентрациясини тахминан 140 мэкв/л (ҳужайра ички муҳитида 20 мэкв/л) 
3 0 % натрий скелет таркибига киради. Ёш болалар кон зардобида натрий 135¬ 
157 ммоль/л, катталарга 142-150 ммоль/л бўлади. Натрий асосан ингичка 
ичакда сўрилади, бу ҳолат ич кетишда натрийнинг кўп йўқолишини 
тушунтиради. 
Натрий организмдан асосан пешоб, тери ва сулак орқали ажралади. 
Организмда натрий балансини сақлашда альдостерон, антидиуретик гормон, 
натрий - уретик гормонлар муҳим роль уйнайди. Қонда, тўқималарда Na 
микдори буйракнинг функционал ҳолатига қоннинг pH муҳитига ҳамда 
калийни ажралишига боғлиқ. 
Калий на натрий ионларининг алмашинуви ўзаро яқин богланган. 
Масалан: Буйрак каналчаларида К ва Н ионлари секрециясининг кучайиши, 
натрийнинг фаол кайта сўрилишга олиб келади ва аксинча. ҳужайра ташки 
муҳитида Na концентрациясининг камайиши, калий ионларининг 
ҳужайрадан чиқишига олиб келади. Na алмашинувининг бузилиши сув 
алмашинуви бузилиши билан узлуксиз боғлиқ. Организмда қанча кўп натрий 
ушланса, шунча кўп сув ушланади. Na алмашинувининг бузилишга сув ёки 
Na ионларининг қанча йўқотганига қараб гипо - гипернатриемия сифатида 
намоён бўлади. 
Гипонатриемия - қонда Na концентрациясининг 130 ммоль/л дан 
камайиши. У 3 хил бўлади. 
1.Туз танқислиги билан боғлиқ бўладиган гипонатриемия. 
2.Уткир суюлиш гипонатриемияси. 
3.Асимптоматик, сурункали гипонатриемия. 
Туз танқислиги билан кечадиган гипонатриемия кўпроқ учрайди 
(гипотоник эксикоз). Бу танқислик натрийга бой бўлган суюқликни йўқотиш 
билан вужудга келади (оғир қайт қилиш, ич кетиш, кўп терлаш ва кўп сўлак 
ажратиш) буйрак ва буйрак усти бези фаолияти етишмовчилигида, 
сульфаниламид ва салуретикларни узоқ вакт кабул килишда учрайди. Бу 
ўзгаришларнинг клиник кўринишлари туз етишмовчилиги оқибатидаги сув 
йуқотишнинг клиникасига мое келади, бунда ташки муҳит 
гипогидратацияси, ички муҳит эдемаси билан кушилиб кетади 
(сувсизланишга қаралсин). 
Кескин суюлтириш гипонатриемияси организмга кўп миқдорда 
гипотоник суюкликларни юборганда, гипоосмоляр гипогидратацияда тузеиз 
сув ичилганда пайдо бўлади. Буйрак каналчаларида сувнинг кайта 
сурилишини кучайтирадиган, АДГ ни хаддан ташқари кўп секреция 
319 

---

қилинишида, шунингдек эдема синдромаларида бўлиб, натрийнинг мутлоқ 
миқдори қонда ўзгармайди, лекин сувни организмда ушланиб қолиши 
натижасида унинг суюлиши ортади. Бу шаклдаги гипонатриемияни 
тажрибада ҳайвонни сув билан заҳарлаш йули билан олиш мумкин. 
Суюлтириш гипонатриемиясининг оқибатлари асосан ҳужайраларнинг 
эдемаси, бўкиб қолиши (мия, буйрак ҳужайралари, эритроцитлар ва уларнинг 
вазифалари бузилишида кўринади). 
Гипонатриемия мушакларнинг бўшаши, импульснинг секинлашиши, 
артериал ва веноз босимнинг пасайиши, бош огриги билан намоён бўлади. 
Na+ кўп микдорда йўқотиш натижасида К
+
ионлари ҳужайрадан чиқади, бу 
эса юрак фаолиятининг, скелет ва силлиқ мушаклар фаолиятини бузилишига 
олиб келади. Мушаклар адинамияси юзага келади, баьзан титроқ пайдо 
бўлади, қайт қилиш юзага келади. 
Асимптоматик гипонатриемия гипотрофиянинг огир шаклларида, 
ортиқча АДГ секреция қилинишида, мия касалликларида, ўпка 
карционмасида кузатилади. Бу вактда гипонатриемияга қарамасадан 
гипоосмоляр синдром белгилари бўламайди, чунки ички ва ташки муҳит 
суюқликлари паст осмотик концентрациясига мосланган.