Патентшунослик, лицензиялаш ва

 
2.2. Давлат Патент Агентлигининг асосий вазифалари
 
Ихтиро ва саноат намунасига берилган дастлабки патент, 
фойдали модельга берилган патент ихтирони Давлат патент 
Агентлиги томонидан ўтказилган дастлабки экспертиза хулосасига 
кура берилади. Ариза берувчининг талабномасига асосан берилган 

---

14 
дастлабки патентнинг муддатига қадар патент олиш учун 
экспертиза ўтказилиши мумкин. Ариза бўйича хулосавий 
экспертиза ўтказилгандан кейингина патент берилиши мумкин. 
Саноат мулкларининг қўйидагиларига: пахта, ғалла ва бошка 
қишлоқ
хўжалик махсулотларни етишитиришда ерга ишлов бериш, 
йиғиштириш ва қайта ишлаш, шунингдек гелиотехника, сувни 
тежаш ва ерларни сўғориш технологияларига берилган аризалар 
учун Патент Агентлиги томонидан дастлабки патент берилмайди.
Тадбиркорлик билан шуғулланаётган жисмоний ёки юридик 
шахсга чиқарилаётган маҳсулот ва корхона учун товар белгисига 
гувоҳнома берилади.
Ихтиро учун берилган патент давлат руйхатидан ўтгандан 
бошлаб 20 йил муддатга берилади.
Саноат намунасига берилган патент давлат руйхатидан 
ўтгандан бошлаб 10 йилга берилади, айрим холларда, патент 
эгасининг талабномасига асосан 5 йилдан узоқ
бўлмаган муддатга 
чўзилиши мумкин.
Ихтирога берилган дастлабки патент Патент Агентлигидан 
руйхатдан утган кундан бошлаб 5 йил, саноат намунасига берилган 
дастлабки патент 3 йил ичида хақиқий деб ҳисобланади.
Фойдали модельга берилган патент Патент Агентлигидан 
руйхатдан ўтгандан бошлаб 5 йил муддатда хақиқий ҳисобланади. 
Агар патент эгаси муддатини узайтириш бўйича таклиф киритса 
яна 3 йилдан куп булмаган муддатга узайтирилиши мумкин.
Товар белгисига берилган гувоҳнома Патент Агентлигидан 
руйхатдан ўтгандан кейин 10 йил давомида хақиқий ҳисобланади.
Ихтиро ва фойдали модель
учун берилган патентнинг хуқуқий 
ҳимояланиш ҳажми ихтиро формуласи доирасида берилади 
(ихтиронинг матни ва чизмалари фақат формулани ифодалаш учун 
мулжалланган); саноат намунасининг хуқуқий ҳимояланиш ҳажми 
маҳсулотнинг расмларда, макетларда ифодаланган моҳиятли 
курсаткичлар йиғиндиси билан белгиланади, товар белгисининг 
хуқуқий ҳимояланиши эса қайси товар учун гувоҳнома қайд 
қилинганлиги билан белгиланади.
Маҳсулотни чиқариш усули учун олинган патент ушбу усул 
билан чиқарилган маҳсулотга ҳам таалуқли бўлади. Бунда 
чиқарилган маҳсулот патентланган усул билан чиқарилган деб 
ҳисобланади.

---

15