"Пастки Арча" маҳалла фуқаролар йиғини ўзбекистон Республикаси Вазирлар Маҳкамасининг

5-боб. “Маҳалла фуқаро муҳофазаси”нинг бошқарув органлари ва кучларини ҳамда банд бўлмаган аҳолини фавқулодда вазиятларда ҳаракатланишга тайёрлаш тартиби
20. “Маҳалла фуқаро муҳофазаси”нинг бошқарув органлари ва кучларини ҳамда банд бўлмаган аҳолини фавқулодда вазиятлар ёки ҳарбий ҳаракатлар даврида ҳаракатланишга тайёрлаш қуйидагича амалга оширилади:
Ўзбекистон “Маҳалла” хайрия жамоат фонди, унинг Қорақалпоғистон Республикаси, вилоятлар ва Тошкент шаҳридаги бўлимлари ҳамда шаҳарлар (шаҳарлар) бўлинмалари раҳбарлар таркибини – Ўзбекистон Республикаси Фуқаро муҳофазаси институтида;
фуқаролар йиғинлари раҳбарлари ва ходимларини – ҳудудий фавқулодда вазиятлар бошқармаларининг Аҳолини ва раҳбарлар таркибини тайёрлаш марказларида ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари ҳузуридаги Фуқароларнинг ўзини ўзи бошқариш идоралари ходимларининг малакасини ошириш бўйича ўқув курсларида;
“Маҳалла фуқаро муҳофазаси” кучлари – фуқаро йиғинларидаги ўқув-маслаҳат базасида фуқаролар йиғинида истиқомат қилаётган соғлиқни сақлаш, фавқулодда вазиятлар, ички ишлар, мудофаа органлари, Ўзбекистон Қизил Ярим Ой Жамиятининг бирламчи ташкилотлари, ўрта, ўрта махсус ва олий ўқув муассасалари ҳодимларини, фуқаролар йиғини ҳудудидаги хавфли ишлаб чиқариш объектлари мутахассисларини жалб этган ҳолда, шунингдек ўтказилаётган қўмондонлик-штаб ва тактик-махсус ўқув машқлари давомида;
банд бўлмаган аҳолини – фуқаролар йиғинлари раҳбарлари ва ходимлари томонидан уларни “Маҳалла фуқаро муҳофазаси” тузилмаларида иштирок этишга жалб қилиш, семинар машғулотлари, суҳбатлар ва маърузалар ўтказиш, ўқув фильмлари намойиш қилиш, яшаш жойида амалий-ўқув машқлари ва машғулотлар ўтказиш ҳамда мустақил равишда фавқулодда вазиятлардан муҳофазаланиш бўйича услубий қўлланма ва эслатмаларни ўрганиш, радиоэшиттиришларни тинглаш ва телекўрсатувларни кузатиш орқали амалга оширилади.
“Маҳалла фуқаро муҳофазаси” кучлари ва банд бўлмаган аҳолини тайёрлаш мазкур Низомнинг 5 ва 6-иловаларида келтирилган “Маҳалла фуқаро муҳофазаси” маҳаллий фуқаро муҳофазаси тизими кучларини ҳамда фуқаролар йиғинларининг банд бўлмаган аҳолисини Тайёрлаш дастури ва Чора-тадбирлар режасига мувофиқ амалга оширилади.
21. Фуқаролар йиғинлари раҳбарлари ва ходимлари ҳамда “Маҳалла фуқаро муҳофазаси” тузилмаларининг шахсий таркиби билан ўтказиладиган машғулотлар мавзусига боғлиқ ҳолда, уларни ўтказишга фавқулодда вазиятлар, мудофаа, ички ишлар ва соғлиқни сақлаш вазирликлари, мудофаага кўмаклашувчи “Ватанпарвар” ташкилоти ҳамда Ўзбекистон Қизил Ярим Ой Жамиятининг мутахассислари жалб қилинади.