"Пастки Арча" маҳалла фуқаролар йиғини ўзбекистон Республикаси Вазирлар Маҳкамасининг

замонавий шикастловчи воситалар (кейинги ўринларда ЗШВ деб аталади) – ҳарбий ҳаракатлар олиб бориш пайтида қўлланиши натижасида одамлар қурбон бўлиши, чорва моллари ва ўсимликлар нобуд бўлиши, аҳолининг соғлиғи ҳамда атроф табиий муҳитга зарар етиши, саноат объектларининг бузилишига ва вайрон бўлишига, шунингдек иккиламчи шикастловчи омилларнинг келиб чиқишига олиб келиши мумкин бўлган ёки олиб келадиган ҳарбий қўшинлар таъминотидаги жанговар воситалар;
оммавий қирғин қуроли (кейинги ўринларда ОҚҚ деб аталади) – катта кўламда шикастлаш имкониятига эга бўлган, оммавий қирғин ва вайронагарчиликларни келтириб чиқаришга мўлжалланган қурол. ОҚҚнинг мавжуд турларига ядровий, кимёвий ва бактериологик (биологик) қуроллар киради;
Ўзбекистон Республикаси Фавқулодда вазиятларда уларнинг олдини олиш ва ҳаракат қилиш давлат тизимининг ҳудудий қуйи тизими (кейинги ўринларда ФВДҲТ деб аталади) – аҳоли ва ҳудудларни фавқулодда вазиятлардан, ҳарбий ҳаракатлар олиб бориш пайтида ёки шу ҳаракатлар оқибатида юзага келадиган хавфлардан муҳофаза қилиш учун маҳаллий давлат ҳокимияти бошқарув органлари, уларнинг куч ва воситалари, бошқа ташкилотлар ҳамда фуқаролар ўзини ўзи бошқариш органларининг тизими. ФВДҲТ Қорақалпоғистон Республикаси, вилоятлар ва Тошкент шаҳрининг маъмурий ҳудудлари доирасида ташкил этилади ҳамда тегишли шаҳарлар, шаҳарлар, шаҳарчалар, қишлоқлар ва овуллар миқёсидаги бўғинлардан иборат бўлади;
фавқулодда вазиятларнинг олдини олиш – олдиндан ўтказиладиган ҳамда фавқулодда вазиятлар рўй бериши хавфини имкон қадар камайтиришга, бундай вазиятлар рўй берган тақдирда эса одамларнинг ҳаётини асраб қолиш ва соғлиғини сақлашга, атроф табиий муҳитга етказиладиган зарар ва моддий талафотлар миқдорини камайтиришга қаратилган тадбирлар комплекси;
фавқулодда вазиятларни бартараф этиш – фавқулодда вазиятлар
рўй берганда ўтказиладиган ҳамда одамларнинг ҳаётини асраб қолиш ва соғлиғини сақлашга, атроф табиий муҳитга етказиладиган зарар ва моддий талафотлар миқдорини камайтиришга, шунингдек фавқулодда вазиятлар рўй берган зоналарнинг кенгайишига йўл қўймасликка ҳамда хавфли омиллар таъсирини тугатишга қаратилган қутқарув ишлари ва кечиктириб бўлмайдиган ишлар комплекси;