"Пастки Арча" маҳалла фуқаролар йиғини ўзбекистон Республикаси Вазирлар Маҳкамасининг

6-боб. «Маҳалла фуқаро муҳофазаси»ни молиялаштириш
ва моддий-техник таъминлаш
22. “Маҳалла фуқаро муҳофазаси”нинг кундалик фаолиятини таъминлаш тадбирларини молиялаштириш, қонун билан тақиқланмаган манбалар ҳисобидан шакллантириладиган ўзини ўзи бошқариш органларининг ўз маблағлари ҳисобидан амалга оширилади.
23. “Маҳалла фуқаро муҳофазаси”нинг моддий-техник базасини шакллантириш ва мустаҳкамлаш мақсадида, тегишли вазирлик ва идоралар томонидан қонун билан белгиланган тартибда фуқаролар йиғини ҳудудида фаолият юритаётган ташкилотларнинг ҳамда бошқа хайрия фондларининг молия маблағларини жалб этиш чоралари кўрилади.
“Маҳалла фуқаро муҳофазаси” фаолиятини мустаҳкамлашга аҳоли, айниқса иш билан банд бўлмаган аҳоли ўртасида унинг тадбирларида ихтиёрий иштирок этиш бўйича кенг тарғибот-ташвиқот ишларини олиб бориш, шунингдек “Маҳалла фуқаро муҳофазаси” тузилмаларининг фаол аъзоларини қонунчилик доирасида, жумладан белгиланган қуйидаги рағбатлантириш чоралари орқали эришилади:
Фавқулодда вазиятлар вазирлиги тизимига, Ички ишлар вазирлигининг Давлат ёнғин хавфсизлиги хизматига, шунингдек Ўзбекистон Республикасиниг бошқа вазирликлари ва идораларидаги қутқарув хизматларига хизматга (ишга) қабул қилишда устуворлик бериш;
фуқаролар йиғинининг мулк фондидаги мавжуд бино ва хоналарни ижарага ажратишда устунлик бериш;
фуқаролар йиғини мол-мулкини биринчи навбатда вақтинчалик ишлатиш (ижара олиш) ҳуқуқини бериш;
фуқаро йиғинларининг ўз ваколатлари доирасида белгиланган бошқа имтиёзларни бериш.
Юқорида қайд этилган барча имтиёзлар маҳалла фуқаролар йиғини кенгаши билан келишган ҳолда, унинг йиғилиш баёни қарори билан мустаҳкамланади.
Ушбу имтиёзларни олиш ва улардан фойдаланиш ҳуқуқи, шунингдек “Маҳалла фуқаро муҳофазаси” тузилмаларига аъзо бўлган фуқаролар мажбуриятлари, улар ва фуқаролар йиғини раиси ўртасида тузиладиган шартномада белгиланади.
24. Фавқулодда вазиятларнинг оқибатларини бартараф этишдаги фидокорона хизматлари ҳамда фуқаро муҳофазаси тадбирларини бажаришда кўрсатган жасорати ва қаҳрамонлиги учун “Маҳалла фуқаро муҳофазаси” тузилмалари аъзолари тегишли давлат ҳокимияти ва бошқарув органлари (Фавқулодда вазиятлар вазирлиги, Мудофаа вазирлиги, Ички ишлар вазирлиги, маҳаллий давлат ҳокимияти идоралари)нинг қимматбаҳо совғалари, пул мукофотлари, фахрий ёрлиқлари, кўкрак ва эсдалик нишонлари билан тақдирланадилар, шунингдек давлат мукофотларига тақдим этиладилар.
“Маҳалла фуқаро муҳофазаси” фаолиятини мунтазам равишда қўллаб-қувватлашга, уларнинг моддий-техник базасини мустаҳкамлашга ўз ҳиссасини қўшаётган ташкилотлар маҳаллий давлат ҳокимияти органларининг тақдимномасига кўра ҳамда Фавқулодда вазиятлар вазирлиги билан келишилган ҳолда давлат ва идоравий мукофотлар билан тақдирланиши мумкин.
25. Қуйидаги тоифалардаги фуқаролар “Маҳалла фуқаро муҳофазаси” аъзолигига қабул қилинмайди:
яшаш жойидан салбий тавсифнома берилганлар;
ички ишлар идораларида профилактик ҳисобда ҳамда наркологик ёки психиатрик диспансер ҳисобида турганлар;
белгиланган тартибда суд қарори билан муомала лаёқати чекланган ёки муомалага лаёқатсиз деб топилганлар.