Microsoft Word dinda savol3 ziyouz com doc

Tafsir va tarjimaning farqi bormi? 

 

Savol: Qur’oni karimning tafsiri va tarjimasi o‘rtasida qanday farq bor?  

Javob:  Qur’oni karim oyatlari lafzlarining ma’nosini boshqa tilga o‘girish «tarjima» 

bo‘lsa, oyat ma’nosini ochib, nozil bo‘lish sabablari bilan bayon etish «tafsir», deyiladi. 

Qur’oni majid ma’nolarining nozik jihatlarini tarjimada berishning imkoni yo‘q. Shuning 

uchun uning tarjimasini o‘qib, hukm chiqarish mumkin emas, bunday qilganlar 

adashishadi. 

 

Azimat va ruxsat nima? 

 

Savol: Kitobda «azimat va ruxsat», degan istilohni o‘qib qoldim. Ularning 

qanday ma’nosi bor?  

Javob:  Lug‘atda «azimat» - bir narsaga qat’iy qaror qilmoqlikni bildiradi. Fiqh 

istilohida esa har qanday holatda shar’iy amr va nahyilarga rioya qilishga «azimat», 

deyiladi. 

«Ruxsat» lug‘atda osonlik va yengillik ma’nolarini bildiradi. Shariatda esa uzr sababli 

muboh qilingan, ruxsat berilgan ishlar tushuniladi. Masalan, cho‘chqa go‘shti haromdir. 

Ammo ochlikdan o‘lish xavfi bo‘lganida hayotni asrashga yetarli miqdorda yeyish - 

ruxsatdir.