Н. Ж. Сотволдиев, З. С. Абдуллаев

V. БИТИРУВ МАЛАКАВИЙ ИШИГА РАҲБАРЛИК
ВА НАЗОРАТ ҚИЛИШ 
 
Битирув малакавий ишига раҳбарлар университетнинг профессорлари, 
доцентлари, катта ўқитувчилари ва Ўзбекистон Фанлар академиясига 
қарашли муассасаларнинг илмий ходимлари ёки бошқа муассаса, 
вазирликлар ҳамда корхоналарнинг юқори малакали мутахассислари 
сифатида ректор буйруғи асосида тайинланади.
Битирув малакавий иши раҳбари: 

топшириқ беради; 

битирув малакавий ишининг бажарилиши жадвалини режалаштиради; 

---


асосий адабиётлар, маълумот ва архив материалларини ҳамда мавзу 
бўйича бошқа манбаларни тавсия этади; 

талабалар билан мунтазам равишда консулътациялар ўтказади; 

битирув малакавий ишининг бажарилиш жараёнини назорат этади; 

талаба 
бажарган 
битирув 
малакавий 
ишининг 
сифати 
ва 
муаллифлигига жавоб беради, мавзуларнинг қайтарилишига ёки бошқа 
манбалардан айнан кўчирилишига йўл қўймайди. 
Кафедра таклифига биноан, битирув малакавий ишига раҳбарлик 
қилишга ажратилган вақт бюджети ҳисобидан ишнинг айрим бўлимлари 
бўйича маслаҳатчиларни таклиф этиши мумкин.
Масалан, Ўзбекистон Республикаси Олий ва ўрта махсус таълим 
вазирлигининг “Олий таълим фанларида ишлаб чиқариш ва ижтимоий-
иқтисодий соҳаларга инвестицияларни жалб қилиш масалаларини чуқур 
ўқитиш тўғрисида”ги
 
2008 йил 14 майдаги 142 сонли буйруғига асосан 
Наманган Давлат университетида битирув малакавий иши таркибига 
инвестицияларга оид бўлим киритиш бўйича маслаҳатчилар этиб 
“Иқтисодиёт” кафедраси профессор-ўқитувчилари тайинланган. 
Юқоридаги талаблар асосида битирув малакавий ишига берилган 
топшириқлар шахсан талаба томонидан бажарилади.