Kardiotonik dori vositalarining klinik farmakologiyasi

Yurak glikoidlarining samarasi va xavfsizligini
nazorat qilish usullari. 
Yurak glikozidlari bilan davolash samarasini klinik usullar bilan 
baholash asosiy ahamiyat kasb etadi. Klinik usullar, avvalo yurak urish 
soni, sianoz bilan entikishning qanchaligi, siydik miqdorini, jigar 
o‘lchamlarini, perifirik shishlarni va bemorning umumiy ahvolini 
baholashini o‘z ichiga oladi. Yurak urish soni va tezligini pasaytirish 

---

29 
yetarli darajada ishonarli, oson va baholashning asosiy usuli hisoblanadi. 
Yurakning urush soni va tezligini digitalis intoksikatsiyasi belgilari 
bo‘lmagan holda minutiga 60-70 martagacha barqaror tushirishga imkon 
bergan Yu.G.larining dozasi eng yuqori doza hisoblanadi. Yurakning 
urush soniga karab yanada aniq mo‘ljal (orientatsiya) olish uchun quyidagi 
qoidalarga amal qilish zarur bo‘ladi: 
*Davolashni boshlashdan oldin EKG qilinadi va yurakning bir 
minutdagi urush soni eshitib ko‘riladi, so‘ng yana 5-6 daqiqa o‘tkazib turib 
ikki marta eshitib sanaladi, shundan keyin uchala urush sonini qo‘shib 
o‘rtacha soni hisoblab chiqiladi. 
*Yurak urush soni va tezligini aniqlaguncha va preparatning 
boshlang‘ich dozasini berish mobaynida bemor gorizontal holatda tinch 
yotgan bo‘lishi lozim. 
*Preparat yuborilgandan keyin yurakning urish sonini YuGlarining 
ta’sirining chuqqisida- xuddi yuqorida ko‘rsatilgandek sanaladi va keyin 
xar gal doza yuborish oldidan sanaladi. 
*Yurakning urish tezligi daqiqasiga 60-70 martaga tushganida yoki 
preparat dozasi o‘rtacha to‘yinishga yaqinlashganida yana qayta EKG 
qilinadi.
*Agar glikozid intoksikatsiyasining belgilari bo‘lmasa, u holda 
bundan keyin ko‘rsatib o‘tilgan prinsip bo‘yicha nazorat qilib boriladi, xar 
kuni EKG qilib turiladi. 
*Shifokor davolash jarayonida quvvatlab turuvchi doza buyurib, xar 
kuni yurakning urish soni va tezligini nazorat qilib boradi va 4-5 kun 
oralatib 2-3 marta EKG qilinadi. Zaruriyat tug‘ilib qolganida quvvatlab 
turuvchi doza bilan yurak urishini me’yoriga keltirib turadi.
Yurak urish soni va tezligini o‘zgarishini (dinamikasini) yetarlicha 
tuyinganligining 
ko‘rsatgichini 
nazorat 
qilib 
borishdan 
tashqari, 
YuGlarining inotrop ta’sirining klinik ko‘rinishlari: diurezning kuchayishi, 
shishlarning kamayishi, ko‘zga ro‘yi-rost tashlanib turgan sianoz va 
xansirashning pasayishi, dimlanib turgan jigar o‘lchamlarining qisqarishi 
va nihoyat, bemor umumiy ahvolining yengilashib qolganligi - hammasi 
davo naf berayotganidan dalolat beradi. YuGlarining samarasi va 
xavfsizligini nazorat qilishda ExoKS, qon plazmasida YuGlarining 
konsentratsiyasini aniqlash ham samarali usullardan hisoblanadi.