Ózbekistan respublikasí joqarí, bilim hám inovaciya ministirligi berdaq atındaǵı Qaraqalpaq Mámleketlik Universiteti Ekonomika fakulteti

Muǵdarlıq belgi 
dep san (cifr) menen kórsetiliwshi belgilerge aytıladı. 
Máselen, ónim kólemi, studentler sanı, stanoklar sanı hám basqalar tikkeley sanlar 
menen kórsetiledi. 
Hádiyseler ortasındaǵı óz-ara baylanıs olardıń faktor hám nátiyjelik belgileri 
boyınsha gruppalarǵa ajıratıp úyreniledi. 
Faktor belgi 
nátiyjege tásir etiwshi belgi 
bolıp tabıladı. 
Nátiyjelik belgi 
bolsa faktor belgi tásirinde ózgerip turıwshı belgi 
bolıp tabıladı. Máselen, miynet ónimdarlıǵı gruppalaw belgisi bolıp, onıń tásiri 
astında ónimniń ózine túser bahasınıń ózgeriwi baqlanıp atırǵan bolsa, onda miynet 
ónimderlıǵı faktor belgi, ózine túser bahanıń ózgerisi bolsa nátiyjelik belgi bolıp 
esaplanadı. 
Gózlengen maqset hám wazıypalarǵa qarap hádiyselerdi zárúr hám zárúr 
bolmaǵan belgiler boyınsha gruppalaw múmkin. 
Zárúr belgiler 
hádiyseniń mánisin, ózgesheligin kórsetedi. Kárхanalardı 
ónim kólemi, óndiris fondları boyınsha gruppalaw zárúr belgi boyınsha gruppalawǵa 
mısal bola aladı. 
Z
árúr bolmaǵan belgiler 
hádiyseniń tek ǵana sırtqı tárepin sıpatlaydı. Buǵan 
karхanalardıń atı, kimge tiyisliligi usaǵan belgiler boyınsha gruppalawlar mısal bola 
aladı. 
Birlemshi belgiler 
úyrenilip atırǵan hádiyseniń (máselen, mámleket 
хojalıǵında jumısshılar sanın, tiykarǵı fondlar qunın, óndirilgen ónim kólemin hám 
t. b.) absolyut sanın, kólemin, muǵdarın sıpatlaydı. 

---

Ekilemshi belgiler 
bolsa birlemshi belgilerdi bir-birine bóliw nátiyjesinde 
alınǵan tuwındı bolıp, hádiyseniń intensivligin, strukturasın, dinamikasın 
хarakterleydi. Máselen, miynet ónimdarlıǵı eki birlemshi belgini, yaǵnıy ónim 
kólemin ketken waqıtqa bóliw nátiyjesinde alınadı. Bul jerde alınǵan nátiyje yaǵnıy 
miynet ónimdarlıǵı ekilemshi belgi bolıp esaplanadı. 
Statistikaliq baqlaw maǵliwmatlarin uliwmalastiriw hám tártipke saliwdiń 
dáslepki hám eń ápiwayi usili bόlistiriw qatarlari esaplanadi.